ولا في الاحلام حبك
الجزء الثانى
الفصل الحادى عشر
في منزل محمد الجميعى قبل الفرح بايام .ا
ميرة " ليلو ...تعالى عايزاكى "
الين " تحت امرك "وبالفعل اتجها معا للشرفة .
اميرة"انا عايزة اسألك سؤال ؟ بس تجاوبينى بصراحة ؟ هو انتى بتحبى عمر ؟"
الين بابتسامة " اكيد ."ا
ميرة " امال ليه بتهربى منه؟؟ بصي يا بنتى ..انا مش عايزة اتدخل بينكم ؟ بس خلاص الفرح بعد ايام ..وقبل ما ندخل في الجد لازم اتأكد انك بتحبيه ..العيلة كلها عارفة انه بيموت فيكى ..بس انتى ؟؟
"الين تصمت ثم تنظر لها وما ان بدأت الكلام تقاطعها اميرة مرة اخرى .."قبل ما تتكلمى ..عايزاكى تعرفي حاجة مهمة اوى ..انا بتكلم معاكى بصفتى امك انتى مش ام عمر ..واوعى تفكرى انى انا مجرد صديقة لامك .. لا امك عندى اغلى من اختى اللى لو امى وابويا كانو خلفوا تانى وجابوا ليا اخت .ماكنتش برده ححبها زى حسناء .. وغلاوتك عندى اكتر من عمر وسلمى ... لان امك برده غلاوة اولادى عندها زيكم واكتر .فعلشان كده لو مخبية حاجة ولا وافقتى علشان الواد عمر وعمايله ..قولى ليا وانا حاتصرف .."
الين تتنفس بعمق وتستجمع قواها وتقول " انا بحب عمر جدا ..بحبه اوى واكتر ما هو كمان بيحبنى .. بحبه لدرجة انى كنت شايفاه كتير عليا وانى انا اقل من انى اكون زوجة ليه ..علشان كده جرحته وبعدته عنى ..علشان ينسانى ويحب غيرى .."ا
ميرة" انتى؟؟؟ جرحتى عمر ابنى ؟؟
الين بدأـت عيناها ان تدمع وتتوتر ف الحديث " ماكنتش اقصد ..انا ... انا كنت عايزاه يبقى سعيد ....انا اسفة ..."
اميرة " اهدى .. اهدى انا بدردش معاكى .. لو حتعيطى وتزعلى يبقي بلاش منها .. انا عايزة سعادتك ومصلحتك مش تخافي منى وتعيطى ...من غير دموع " قالتها وهى تحتضنها وتهدئها .
الين " انا حقول لحضرتك كل حاجة ..عمر من يوم ما وصل مصر وهو دايما بيهتم بيا وبيعبر ليا عن حبه بطرق جميلة اوى وكمان مضحكة .. وانا كنت بحب ده منه .. بس ماكنتش متأكده ان كنت انا كمان بحبه ولا مجرد اعجاب تعود . .. بس لما بدأ يشتغل مع اشقر وكمان سافر معاه بدأت احس بفراغ رهيب من غيره. وبدأت اعيد تفكير في شعورى واكتشقت انى انا كمان بحبه اوى ..وانه مش مجرد اعجاب وقررت انى انا كمان ألمح ليه عن مشاعرى .. وفعلا اول ما قابلنا بعض في المطار اتكلمنا مع بعض كتير ..وقلبي وقتها كان طاير كان صوت دقاته اعلى من صوت كلامى ( كانت تتكلم بابتسامة جميلة ثم بدأت تتغير ملامحها ) .بس وقتها كانت في شلة بنات وافقة ورانا سمعتهم بيتكلموعليا انا وعمر .. سمعتهم بيقولوا (بقي الولد القمر ده يحب دى ؟ فعلا مراية الحب عامية ... يا خسارة الحلو ميكملش )الكلام ده وجعنى اوى ..وفضل يتكرر كتير في عقلي ..اول مرة انا وهو نبقي مع بعض في مكان عام ويتقال عننا كده حيجرى ايه لو اتجوزنا وبقيت معاه طول الوقت ,عمر حيبقى راجل اعمال مهم وحيبقي دايما محط اهتمام عدسات التصوير زى اشقر اخويا .. وانا عمرى ما حليق بيه .."
أنت تقرأ
ولا في الاحلام. حبك
Fanfictionكلا منا لديه احلامه الخاصة ... منها أحلام نعيش من أجل تحقيقها ويسعي جاهدا لذلك .... أو أحلام لا يستطيع تحقيقها ولكن لديه أمل في ذلك ... ولكن هناك في قلب كل بشر حلم ..هدف ... فقط يتنفس من اجل تحقيقه ولا يتخيل حياته من غير هذا الحلم ...وقد يكون ال...
