رواية ولا فى الاحلام حبك
الجزء الثانى
الفصل الثامن عشر
في شركة الاشقر
يدخل اشقر وعمر ..وكل العيون تلاحقهم ..والهمس يزداد بين الموظفين
اشقر " هوفي ايه ؟ الكل بيبص لينا كده ليه؟"
عمر بثقة " ههههههههه .. بيتفرجوا علينا .. عريسان بقي "
اشقر " ايه يتفرجوا علينا دى ؟ 100 مرة اقولك اختار كلامك قبل ما تقوله .. انا مش مرتاح لنظراتهم وهمسهم "
عمر " سيبك منهم .. المهم انا النهاردة شغال نص يوم بس انا لسة عريس "اشقر " كده من اولها .. مشبعتش اجازات ..لو حتبتديها كسل كده يبقي تطلق احسن " ثم فتح الباب ودفع عمر ليدخل اولا .
عمر كاد ان يقع فيرد " ما براحة .. بقولك لسة عريس .."
ولكنهم تفاجأوا بوجود مازن واشرف في المكتب جالسين وحالهم لا يبشر بالخير ابدا ....
.اشقر بقلق " ايه اللي بيحصل ؟"
عمر "هههههههه تلاقيهم جايين يتفرجوا علينا .. لا انا كده المفروض احط لنفسي تسعيرة "
اشرف بجدية يقف ويقول " تعالى يا اشقر ..عايز اتكلم معاك
يقترب كلا من اشقر وعمر يجلسون بجانب مازن الذى لم يتفوه كلمة فقط يزفر بغضب وينظر في الارض .
اشرف " طبعا يا اشقر انت عارف نظام ادارة الشركات هى كلها بنظام الاسهم ..وعلشان احنا لينا النصيب الاكبر احنا المسئولين عن الادارة ... احنا لينا شركاء كتير .. كلهم عارفينهم وليهم اسمهم في السوق "
اشقر " ادخل في الموضوع عالطول .. انا بدأت اقلق "
اشرف يصمت قليلا ..ثم يقول " كل الاسهم اتباعت .. وبقي لينا شركاء جداد .. المفروض اننا حنجتمع معاهم في اجتماع مجلس الادارة بكرة ."
عمر " وايه اللى يقلق في كده ... مش عندك كل المعلومات عندهم "
اشرف " للاسف ..اللى يقلق ان كل الكلام اللى قولته كان لحد امبارح بس . من ساعات بس الاسهم كلها اتباعت لشخص واحد ..وبكده بقي هو اللى ليه الحق يدير الشركات .. والمساهم الرئيسى في شركاتنا . وبكرة حنسلم ليه مبنى الادارة .. وحيبقي هو المتحكم الاكبر في سلسلة الشركات "
مازن بغضب " على جثتى .. مش حياخد حاجة .. ومش حيخطى برجليه جواها .. على جثتى يا اشرف "
اشقر يقف ويقترب من اشرف ويقول " والشخص ده يبقي ...."
ااشرف "ماجد . ماجد في مصر بقاله مدة .. وانا امنت كل العيلة منه .. بس هو كان بيخطط لحاجات تانية ونفذ في ساعات .. صدقنى في اقل من 12 ساعة .. ملحقتش اعمل حاجة ؟"
أنت تقرأ
ولا في الاحلام. حبك
Fanfictionكلا منا لديه احلامه الخاصة ... منها أحلام نعيش من أجل تحقيقها ويسعي جاهدا لذلك .... أو أحلام لا يستطيع تحقيقها ولكن لديه أمل في ذلك ... ولكن هناك في قلب كل بشر حلم ..هدف ... فقط يتنفس من اجل تحقيقه ولا يتخيل حياته من غير هذا الحلم ...وقد يكون ال...
