روايه ولا في الاحلام ...حبك
---------
عند مصطفي وآدم
آدم'' اهدي بس يا مصطفي..وانت مهتم بيها كده ليه ؟"
مصطفي'' يابني انت مشوفتش بتبصلي ازاي ... وكمان مردتش عليا ولا عايزة تتكلم معايا ؟"
اآدم..''انت تعرفها قبل كده ....يا مصطفي''
مصطفي '' دي حسناء يا آدم ... حسناء ''
آدم'' ومين حسناء ...انا فعلا حاسس اني شوفتها قبل كده''
مصطفي يصمت قليلا ثم يتكلم... انا ححكيلك كل حاجة..اما خلاص مش قادر ...(فلاش باك)
مصطفي نائم في غرفته في المنزل والدته تدخل توقظه من نومه وتقول '' مصطفي اصحي .... اصحي يا ابني''
مصطفي بخضة '' خير يا امي ...انتي تعبانة ولا ايه
والدته'' لا يا حبيبي انا كويسة ... بس خالك في المستشفي..''
مصطفي بقلق'' خير يا رب مستشفي ايه ...''
في المستشفي تجري والدة مصطفي ناحية ابنة اخيها مي الباكية وتحضنها بشدة....
وبعد فترة يخرج الدكتور ..ويقول '' كانت جلطة في القلب بس الحمد لله لحقناها ...بس مش حيفوق قبل الصبح ...وخلو بالكم اي انفعال ومجهود ممنوع خالص دلوقتي ..
وفي ساعات الصباح الاولي يفوق خال مصطفي ويبدا بصوت هاديء يتكلم ''اااه ...مي ....بنتي مي ....انا فين ''
مصطفي يقترب ويضع يده علي كتفه ويقول '' متقلقش انت كويس ...وكمان مي كويسة ...حمد لله علي سلامتك ''
خال مصطفي '' مي فين ؟؟"
مصطفي '' مع امي راحو البيت يجيبوا شوية حاجات ''
خال مصطفي '' انا عايز منك حاجة ...'' وبدا يسعل بشدة
مصطفي '' اهدي بس دلوقتي ...وبلاش كلام ...علشان صحتك ''
خال مصطفي '' اسمعني وانت ساكت ...انا ماليش غير بنتي مي في الدنيا ...وهي ملهاش حد غيري ...لا ام ولا اخ ولا اخت...وانت عارف انها مدلعة شوية .. وبعد اللي حصلي امبارح ده عايز اطمن عليها ..يا ابني انا كنت اموت امبارح واسيبها لوحدها ''
مصطفي '' ربنا يديك الصحة وطولة العمر ...وبعدين ..انا وامي روحنا فين ...متقلقش يا خال مي في عنيا ''
خال مصطفي '' وده العشم يا ابن الغالية ...انا عايزك تتجوز مي ''
مصطفي بصدمة '' جواز ....لا يا خال مينفعش ...مي زيها زي اسراء وفريدة اخواتي ...بص مي حتفضل امانة في رقبتي لحد ما اسلمها لعريسها اللي يصونها ويستاهلها...لكن انا لا ''
خال مصطفي بتعب ''مينفعش ليه ...لا هي اختك ولا راضعين علي بعض ...هي اكبر منك ..عادي يعني مش حرام ....ااااه''
أنت تقرأ
ولا في الاحلام. حبك
Fanfictionكلا منا لديه احلامه الخاصة ... منها أحلام نعيش من أجل تحقيقها ويسعي جاهدا لذلك .... أو أحلام لا يستطيع تحقيقها ولكن لديه أمل في ذلك ... ولكن هناك في قلب كل بشر حلم ..هدف ... فقط يتنفس من اجل تحقيقه ولا يتخيل حياته من غير هذا الحلم ...وقد يكون ال...
