الحلقة الخاصة الخامسة
ولا في الاحلام حبك
فى المستشفى عند عمر
الين منهارة من البكاء على حالة عمر
نسمة وهى تحتضن اختها " وبعدين معاكى يا الين ..انتى مش شايفاه قدامك كويس اهو "
عمر بصوت هادى متعب " جدو محمداخباره ايه؟"
حاتم " الحمد لله ..شد انت حيلك علشان تخرج من هنا "
اميرة " طمني عليك يا حبيبى اخبارك ايه دلوقتى ؟"
عمر يبتسم لوالدته قائلا " متقلقيش عمر الشقي بقي "
ثم نظر تجاه الين وقال بصوت اعلى قليلا "تعالى يا ليلو "
الين تتحرك نحوه وتجلس على السرير بجانبه تحتضنه وتبكى بصوت اعلى .
نسمة " لاحول ولا قوة الا بالله ..ماهو زى الفل قدامك اهو بتعيطى تانى ليه؟"
اميرة " علشان هو تعبان يا عديمة الاحساس "
نسمة "هو وتعبان هى تعيط ليه ؟انا تعبت من عياطها "
الين بصوت متقطع من كثرة البكاء " علشان هو تعبان اوى ..وانا مش قادرة اعمله حاجة "
اميرة " يا حبيبتى بنى ادمة وبتحسي ..مش زى ناس " قالتها وهى تنظر لنسمة
نسمة " وبعدين معاكى يا بتاعة انتى . انتى مش حتتهدى بقي "
اميرة " ان شاالله اللى يكرهنى ويشتمنى هو اللى يتهد "
نسمة تتحرك وتقف امام اميرة بتحدى وتقول " بقولك ايه الواحد بقاله كام يوم مخنوق وعلى اخره وعايز ينفجر في اى حد علشان يفك عن نفسه شوية ..شكلك كده مكتوبلك تموتى منفجرة على ايدى "
اميرة كانت جالسة فاذا بها تقف لترد على نسمة بغضب الا ان الدكتور دخل ليطمئن على عمر فصمتت .
الدكتور يتفحص عمر ثم يقول " لا ..انت دلوقتى احسن كتير "
ثم نظر لالين التى مازالت لم تتوقف عن البكاء ويقول " متقلقيش يا انسة هو بخير "
نسمة " قولها لاحسن مش مصدقة حد فينا .ومش مبطلة عياط من امبارح "
الدكتور " لا حاولوا تهدوها شوية ..كده مش كويس على صحتها ابدا .. "
عمر بدأ ينظر له بغيظ .
اميرة " وعم محمد عامل ايه دلوقتى يا دكتور "
الدكتور " حالته استقرت ..وحيغادر المستشفى النهاردة "
اميرة " الحمد لله ..عقبالك يا عمر "
الدكتور يمسك بيد عمر ثم يقول وهو يتابع نبضات قلبه " حاسس بأى ألم "
عمر بغيظ من الدكتور " خليك في حالك "
أنت تقرأ
ولا في الاحلام. حبك
Fanfictionكلا منا لديه احلامه الخاصة ... منها أحلام نعيش من أجل تحقيقها ويسعي جاهدا لذلك .... أو أحلام لا يستطيع تحقيقها ولكن لديه أمل في ذلك ... ولكن هناك في قلب كل بشر حلم ..هدف ... فقط يتنفس من اجل تحقيقه ولا يتخيل حياته من غير هذا الحلم ...وقد يكون ال...
