رواية ولا فى الاحلام ..حبك
الجزء الثانى
الفصل السابع عشر
حاتم يضحك بشدة ثم يظل يضرب جرس الباب .نسمة بغضب تفتح له مرة اخرى وتقول بغضب شديد "عايز ايه ؟ امى وابويا مش حيحضروا خطوبتك ..اتفضل من غير مطرود ..علشان متبقاش العريس المرحوم "
حاتم ببرود " الله يبارك فيكى .. مش عايزة تعرفي مين ؟"
نسمة " اكيد سنكوحة مقفلة زيك عامية وطارشة ومبتفهمش الهى ربنا يوقف نموك يا حاتم يا ابن جميلة ومازن .. انت بتضحك .. طاب اخفي بقى من وشى " قالتها وهى تغلق الباب مرة اخرى
حاتم يفتح الباب بقوة ويقترب منها ويقول " بصي بقى .. انتى من الصبح عمالة تطولى لسانك وتشتمينى .. واقول دلوقتى تسكت . دلوقتى تهدى .. لكن ابدا انتى ايه ما تتعبيش؟"
نسمة " لا انا مبتعبش ومبزهقش من تهزيق الناس الجبلة اللى معندهومش احساس زيك ؟"
حاتم بغيظ يقترب منها ويمسك بيدها ويضعها خلف ظهرها وبجدية يقول " انا مبحب ان خطيبتى تطول لسانها عليا ابدا ولو حتى بهزار ..حتى لو كنا لوحدنا زى دلوقتى ..انتى فاهمة "
نسمة بصدمة " خخطيبتك ؟؟"
حاتم بابتسامة " اه خطيبتى .. انتى خطيبتى "نسمة فقط عيناها متسعة تنظر له بصدمة
حاتم يتصنع الحزن " شكلك مش موافقة .. خلاص انا ماشي .." وحاول الابتعاد .
نسمة تضع يدها حول رقبته وبفرحة تقول " مين قال كده .. دى مصر كلها عارفة انى موافقة ..وبجنون كمان .. ولا انت بتتلكك "
حاتم " يعنى ممكن ادخل دلوقتى ..ولا لسة بتنظفوا وبتغسلوا
نسمة " لا احنا خلصنا كل حاجة ..ومستنين طلتك البهية "
حاتم " وابوكى وامك ..لسة نايمين .
نسمة " يصحوا ..ماهم نايمين من بدرى .. طاب تصدق انى حمنع النوم عن سكان العمارة كلها ..لا عن المنطقة كلها ..واللى حينام حروح اولع في بيتهم .. ها يرضيك كده"
حاتم يضحك علي تعبيراتها ثم يحتضنها ويقول " حتى وانتى فرحانه مجنونة ..حتعقلي امتى ؟"
نسمة تهمس في اذنه وتقول " ما هو لازم اكون مجنونة علشان استحمل تقل امك ده ؟"وظلا فترة قصيرة على وضعهم ..
ولكنها لم تنتهي على سعادة ابدا . مصطفي والدها يراهم وفي صوت غاضب يقول " نسمة .."
نسمة بخوف تبتعد عن حاتم وتجرى للداخل .
حسناء تخرج هى الاخرى وتقول بابتسامة " اهلا يا حبيبى اتفضل يا حاتم ..واقف عندك ليه ؟"
مصطفي " لا حاتم حيجى معايا .. تعال انا عايزك "
حاتم " وانا كمان عايز اتكلم مع حضرتك "
أنت تقرأ
ولا في الاحلام. حبك
Fanfictionكلا منا لديه احلامه الخاصة ... منها أحلام نعيش من أجل تحقيقها ويسعي جاهدا لذلك .... أو أحلام لا يستطيع تحقيقها ولكن لديه أمل في ذلك ... ولكن هناك في قلب كل بشر حلم ..هدف ... فقط يتنفس من اجل تحقيقه ولا يتخيل حياته من غير هذا الحلم ...وقد يكون ال...
