رواية ولا في الاحلام حبك
الجزء التانى
الفصل الخامس عشر
في منزل محمد الجميعى
فوزية" امال فين حسناء ؟؟"
ماجدة " في عمرة هى وجوزها "
ام فوزية "ربنا يرحعها بالسلامة .. الدكتورة حسناء تستاهل كل خير"
فوزية باستغراب " دكتورة ..هى اخدت الدكتوراة ؟"
ياسمين بقرف " اه واتعنيت فى جامعة القاهرة كمان ومصطفي جوزها وكيل الكلية "
فوزية " والله برافوا عليها ..قدرت توفق بين الدراسة والبيت والشغل . ده انا عندى ولدين بس ومش عارفة ألبى طلباتهم
ماجدة بهمس " الله اكبر في عينك الصفرا "
جميلة " فعلا حسناء تعبت اوى ..بس احنا كلنا كنا معاها ماما وياسمين لحد ما اتجوزت .."
فوزية " ايه ده انتى اتجوزتى يا ياسمين "
ياسمين بزهق " اه وعندى ولدين زى القمر "
ماجدة تضرب بنتها بالكوع وتقول بغيظ " بس بعيد عنك مطلعين عينها اصل جوزها صعيدى والعيشة معاه صعبة اوى "
ام فوزية "مين ده اللى صعب ..البشمهندس احمد راجل سكرة .. يتحط على الجرح يطيب ... امال العريسان عاملين ايه؟"
فوزية " عريسان مين ؟
ام فوزية " ولاد حسناء ..اتجوزوا الاسوع اللى فات ابنها وبنتها مع بعض "
فوزية " الاثنين مع بعض ..برافوا عليها ..ده انا مش عارفة اجوز واحد بس "
ماجدة " بس كان فرح على الضيق كده"
ام فوزية " على الضيق ايه ؟ده صورهم كانت مالية الجرايد والنت ..والجيران كلها كانت بتتحاكى بجمال العريسان وحسناء كمان ..طاب ده هى كانت اصغر واحلى منهم اللى يشوفها في الصور يقول بت عشرين سنة ..متتخيرش عن اخواتها " قالتها وهى تنظر لياسمين وجميلة .
فوزية بغيظ" ابقي ورينى الصور دى يا ماما علشان مشوفتهاش "
ماجدة قامت من مكانها واتجهت للمطبخ ثم عادت تقول " ايه يا فوزية ما تروحى تطمنى خليل على الاولاد ..."
فوزية " ايوه عندك حق.. عن اذنكم بقي "وخرجت
ماجدة " وانتى يا ام فوزية .. روحى حضرى الغدا لجوزك ..مش ده معاد رجوعه من الشغل "
فوزية " ايوه والله عندك حق ..لما اقوم انا كمان " وخرجت هى الاخرى .
واذا بماجدة تمسك بكيس ملي بالملح وتظل تسكب في اركان المنزل وتتمتم بكلمات ثم تذهب لبنتيها وتضربهم بخفة وتقول " بقى انا عمالة ألم فى الكلام وانتو عمالين تفتحوها على الاخر "
أنت تقرأ
ولا في الاحلام. حبك
Fanfictionكلا منا لديه احلامه الخاصة ... منها أحلام نعيش من أجل تحقيقها ويسعي جاهدا لذلك .... أو أحلام لا يستطيع تحقيقها ولكن لديه أمل في ذلك ... ولكن هناك في قلب كل بشر حلم ..هدف ... فقط يتنفس من اجل تحقيقه ولا يتخيل حياته من غير هذا الحلم ...وقد يكون ال...
