رواية ولا فى الاحلام حبك .
الجزء الثانى .
الفصل الاول
فى احد الشقق فى القاهرة على النيل
تماما الساعة 8صباحا يدق باب شقة مصطفي وحسناء بقوة .تسرع ابنتهم ألين في فتح الباب فهى تعلم صاحب هذه الدقات جيدا انه عمر الجمال ( ابن اميرة الذى ترك اهله في الكويت وجاء الى مصر ليدرس في احد الجامعات المصرية مع صديقه المقرب أشقر ..وهو يسكن فى الشقة المجاورة لهم ) .
الين بوجه مشرق وابتسامة ساحرة " صباح الخير يا عمر .. اتفضل "
عمر ظل شارد في جمال وجهها وصوتها ..وما ان هتفت باسمه مرة اخرى يرد عليها " صباح الخير والفل والورد والرقة اللى في الدنيا كلها .. الناس كلها بتقول اسمى بشكل وانتى بتقوليه بشكل تانى خالص .. انا بعشق اسمى لما بتقوليه ".
الين تكتفى بابتسامة خجولة .. وسرعان ما قاطع هذا الجو الهادئ نسمة أخت الين والتى استيقظت على صوت دقات الباب فتقول بغيظ " يا فتاح يا عليم ... يا رزاق يا كريم .. ايه اللى جابك ؟ "
عمر وهو ينظر لألين وبهدوء " صباح الخير يا نسمة . انا جاى علشان صلاة الجمعة .. خايف لتفوتنا "
نسمة كانت تتكلم وهى مازالت ناعسة وما ان اقتربت منه ورأت شكله ظلت تتضحك بشكل هستيرى وتقول " هههههههههههه هههههههه ..ايه اللى انت لابسه ده ..شكلك زى اللى فى مستشقي المجانين .... ههههه "
عمر " ماشي يا خفة ... انا متعود كل جمعة ألبس قفطان ابيض واروح اصلى بيه .. كان ضايع منى ولسة لاقيه امبارح .. "
نسمة " الكلام ده هناك فى الكويت .. لكن هنا عادى الناس بتصلى بكاجول .. فبلاش فضايح وروح غيره .. ولا اقولك ضيعه تانى احسن "
ألين " مش تصدقها .. لايق عليك اوى ده يا عمر "
عمر بابتسامة" قولى والله .. لو عجبك أخليه الزى الرسمى بتاعى حنام واصحى بيه واروح الكلية بيه كمان لو حبيتى "
ويخرج على صوت كلامهم أشقر ويقول " صباح الخير يا بنات .. ثم ما ان راى عمر قال بهزار " صباح الخير يا اغبي واحد قابلته في حياتى "
عمر " بقى كده .. الحق عليا انى كل جمعة بصحيكم من النوم علشان الصلاة متفوتناش "
اشقر " يعنى يوم الاجازة تصحى من بدرى وكلك نشاط ..وايام الدراسة اقعد اصحى فيك ساعة وبرده بنتأخر على المحاضرات "
نسمة " تقول ايه ؟غبى وبعدين صلاة جمعة ايه دى اللى الساعة 8 الصبح دى .. انا كل يوم افضل افهم فيك انك مش مرغوب فيك هنا واننا مش طايقينك والاخ ايه مابيفهمش خالص عامل فيها تايوانى "
ألين " عيب يا نسمة .. مش تصدقها احنا كلنا هنا بنحبك وبنحترمك اوى "
عمر يقترب بعض الخطوات منها ويقول بصوت هادئ " انا كل ليلةجمعة مبعرفش انام من فرحتى ..وابقى عايز الصبح يجي بسرعة علشان اشوف وشك اللى زى القمر ده ..و اسمع كلامك اللى زى العسل ده "
أنت تقرأ
ولا في الاحلام. حبك
Hayran Kurguكلا منا لديه احلامه الخاصة ... منها أحلام نعيش من أجل تحقيقها ويسعي جاهدا لذلك .... أو أحلام لا يستطيع تحقيقها ولكن لديه أمل في ذلك ... ولكن هناك في قلب كل بشر حلم ..هدف ... فقط يتنفس من اجل تحقيقه ولا يتخيل حياته من غير هذا الحلم ...وقد يكون ال...
