أنت تقرأ

ولا في الاحلام. حبك

Fanfiction

كلا منا لديه احلامه الخاصة ... منها أحلام نعيش من أجل تحقيقها ويسعي جاهدا لذلك .... أو أحلام لا يستطيع تحقيقها ولكن لديه أمل في ذلك ... ولكن هناك في قلب كل بشر حلم ..هدف ... فقط يتنفس من اجل تحقيقه ولا يتخيل حياته من غير هذا الحلم ...وقد يكون ال...

#أحلام

جزء 22

1.2K 23 3 
                                    

                                              


                          
ولا في الاحلام ..حبك 

                          


                          
مر شهرين كاملين ..كل يوم شجارات بين اميرة وحسناء ..والجو متوتر بينهم للغاية 

                          
اما في منزلها مع مصطفي فالجو هاديء للغاية ..يوميا تذهب وترجع معه ..مع كلام قليل للغاية ..ومصطفي يكتفي بتقضية كل وقته مع اولادها الذين تعلقوا به كثيرا ويحبونه للغاية.. واصبحوا يعتمدوا عليه في حياتهم ..وهو لا يكل ولا يمل من التقرب منهم واسعادهم ..واصطحابهم للخارج للتنزه ...   واستراق بعض النظرات لحسناء .. التي طال بعدها عنه ... والتي تلاحظ سعادة اولادها وتغير حياتهم للافضل ولكنها مازالت منفجرة...

                          
في الجامعة 

                          
---------------

                          
حسناء تدخل المكتب غاضبة للغاية ..وتهمس ببعض الكلمات  ولاحظت اميرة ذلك ..

                          
اميرة '' خير يا حسناء ...مالك بترطمي كده ليه''

                          
حسناء '' شوفته ..شوفته بعيني محدش قالي ''

                          
اميرة '' ده بيحصله اللي بيحصلي ..اغنية حلوة بس قديمة ''

                          
حسناء بغضب '' اميرة مش وقت هزارك خالص ...  انا قصدي شوفت مصطفي واقف تحت عند بوابة الكلية مع مي طليقته ''

                          
اميرة تبتعد عن مكتبها وتذهب لتقف بجانب مكتب حسناء '' يا نهار أسود ..شوفتي عمايلك ..وكانوا بيعملوا ايه يا اخره صبري''

                          
حسناء  بغيظ '' كانت بتعيط وماسكة بايده''

                          
اميرة  ''وايه كمان ''

                          
حسناء '' اوووف بقي يا اميرة ...معرفش ..وعلي العموم مش يهمني اصلا ..هو حر يعمل اللي عايزه ..بس انا كده ارتحت علشان اتاكدت من ظني فيه''

                          
اميرة '' يا سلااام ..مش يهمك ..امال وشك قالب الوان ليه ..وعمالة تاكلي في طوافرك من الغيظ ليه ..ده انتي خلصتي ظوافرك وصوابعك وداخلة علي الكوع ...''

                          
اميرة تضع يديها الاثنين علي رأسها وتغني قائلة '' وحسرة عليها ...وحسرة عليها ...جات برجليها ...جات برجليها 

                          
وانا ايه ذنبي ...وانا ايه ذنبي ..لابساله الطرحة البمبي ''

                          
وهنا دخل الأستاذ عبدالله ووجد اميرة تهز براسها يمينا ويسارا ..فيقول '' خير يا اميرة يا بنتي ..تعبانة ولا حاجة''

                          
اميرة تعتدل في وقفتها وتقول بغيظ'' لا ..انا بس عندي صداع ..بعيد عنك ..في قطة وفار بيجروا في دماغي ..

                          
القطة عينيها زرقاء ..وعاقلة ..وهادية ..بس جالها نوبة جنان وبدل ما تصطاد الفار .عايزة تطفشه ..وفضلت تطفش في امه ..لاحد ما قطة تانية جات وعايزة تصطاده منها ..

                          
واهي عمالة دلوقتي تندب حظها ...وتاكل في طوافرها ''

                          
عبدالله  بقلق يقترب وينظر في عين اميرة ثم يبتعد ويقول '' لو عايزة اجازة علشان تريحي اعصابك يا اميرة يا بنتي ..انا ممكن اديكي ''
ولا في الاحلام. حبكحيث تعيش القصص. اكتشف الآن