ولا في الاحلام. حبك

جزء 37

رواية ولا فى الاحلام حبك .

 الجزء التانى

 الفصل الثالث

في لندن في احد الفنادق الضخمة ..يجلس كلا من عمر ومازن واشقر براحة وسعادة ... ولما لا فهم قد اتموا ما جاءوا لاجله .. انهم حصلوا على عقد الشراكة الانجليزية الاشهر فى انجلترا في بناء المنشات السياحية ..

مازن " والله وعملتها يا اشقر ...الحمد لله تعبنا ما راحش هدر "

عمر " طبعا يا عم هو احنا بنهزر ...انا بس غمزت للبنت وكله خلص بعدها "

مازن " هو كان حد معبرك خالص .. لا بنت ولا راجل بصو ناحيتك خالص .."

عمر " يا عم البنت ام شعر احمر دى .. كانت بتبصلي من تحت لتحت علشان محدش ياخد باله "

مازن " اااه اللى كانت لابسة بلوزة زرقا .. وبنطلون ابيض "

عمر " ايوه هى دى اخدت بالك "قالها وهو يغمز له .

مازن بضحك هستيرى ..." ههههههههه ..ههههه دى السرفيس ( جرسونة ) كانت مركزة معاك علشان انت الوحيد فينا اللى كان بيخلص المشروب ..وهى تيجى تحطلك غيره "

اشقر ومازن ظلا يضحكان اما عمر فقال" كنت عطشان وبعدين عصير وبلاش . فرصة "

مازن وهو ينظر لاشقر بفخر ويضع يده فوق يديه " صدقت ..قلت حاقدر ..وقدرت ..ابوك كان نفسه ينفذ الفكرة بس ملحقش .. الله يرحمه كان بيحلم بيها "

اشقر " لسة احنا فى اول الطريق ..حلم ابويا انا عارفه كويس وكلها كام شهر واسمه حيبقي علي اكبر قرية سياحية في الوطن العربي كله ان شاء الله "

مازن بحماس " وانا معاك لاخر نفس فيا .. معاك ومش حسيبك "

عمر بضحك " يبقي حتسيبنا بدرى .. مش الحاج 60 سنة برده "

مازن ينظر له فترة ثم يقول بابتسامة " تعرف يا ياض انا مستحملك ليه ؟؟ علشان انت بتفكرنى بنفسي وانا في سنك .. كنت زيك هزار عالطول وضحك .. بس كنت اوسم منك ومزودها حبيتين في البنات "

عمر اقترب منه وجلس بقربه وقال وهو يغمز له " يا شقاوتك يا واد يا مازن .. كنت بتاع بنات .. يا بختك يا دونجوان .."

مازن " لو عايز اعلمك "

عمر "لا انا الحمد لله متربى وكمان قلبي مشغول بواحدة وعايزها بس ترضي عليا وتبقى من نصيبى "

مازن " ما انا كمان لما حبيت بجد ..انصلح حالى وبقيت مش عايز الا هى وبس "

عمر " عاقل زى ابويا .. فضل يحب في امى قبل الجواز سنين ..وبعد كده اتجوزوا واهو بيندم دلوقتى دلوقتى علشان مطلعة عينه "

مازن " ليه هو بينضرب هو كمان .

عمر " لا يا عم ضرب ايه ؟ احنا صعايدة اللى ينضرب من مراته ..تندبح حماته عالطول ... بس هى مجنناه شويه .. تعرف منظمة الصحة العالمية طلبت مننا صورة امى علشان يخلوها الشعار الرسمى للثرايا الصفرا بس للعالم كله "