رواية ولا فى الاحلام .. حبك
فى منزل حسناء
نهى بدموع " مع السلامة يا بابا مش حنتأخر عليك شهر بالكتير وارجع واعيش معاك عالطول "
حسن " يا بنتى مالوش لزوم ..خليكى مع جوزك واولادك انا هنا مبسوط "
نهى " لا طبعا مش حبعد عنك تانى ابدا .. انا حروح علشان امجد واول ما اطمن عليه وكمان امتحانات الاولاد حانقلهم من هناك علشان نستقر هنا ونعيش انا وانت فى الفيلا بتاعتنا .. كفاية بقى انت هنا تعبانةوانا هناك تعبانة .. احنا مالناش غير بعض دلوقتى "
واحتضنته .. وهنا دق الباب .
يفتح محمد الجميعى الباب فيقول " كويس انكم جيتكم ..علشان تسلموا على نهى قبل ما تسافر ."
حسناء " انا مصدقتش لما قولت ليا الكلام ده في التليفون . فجأة كده تسافر "
محمد " جوزها تعبان شوية هناك وهى لما عرفت حجزت على اقرب طيارة . امال فين ياسمين "
ماجدة " حتحصلنا ..اصل لما اتصلت بينا كنت انا وحسناء بشترى حاجات وهى كانت سبقتنا ..فرجعنا من غير ما نطلع .. "
محمد بغضب مكتوم " يعنى ايه ؟؟ ياسمين فى الشقة لوحدها ؟انتى اتجننتى يا ماجدة ؟ امال انا ببعتك معاهم ليه ؟ "
ماجدة " مش وقته يا محمد .. " قالتها وابتعدت خوفا منه .
نهى تقترب من محمد " انا اسفة يا عمو محمد .. غلط في حقك وفي حق بنتك قدامك بس والله ما كان قصدى ..ربنا يعلم بحبكم قد ايه ؟ وحسناء دى اكتر من اختى "
محمد بابتسامة " ولا يهمك انتى بنت الغالى .. المهم سلامى لجوزك الراجل المحترم ده .. وربنا يطمنك عليه "
نهى " انتى بقي مش عارفة اقولك ايه ؟ اقولك انا اسفة على اللى بسام عمله فيكى ؟ واللى انا قولته فى حقك ؟.. ولا شكرا على اللى عملتيه مع ماما وحاتم .. وكمان بابا بجد عمرى ما حقدر ارد جمايلك ابدا " قالتها واحتضنتها بشدة .
حسناء " عيب يا نهى ..مافيش بينا الكلام ده .. ماما ناهد وحاتم هما اللى عملوا معايا كتير وليهم عليا جمايل اكتر واكتر .. اما بقى عمو حسن ده زى بابا بالظبط ربنا يبارك فى عمره "
نهى "تعرفي انا بحمد ربنا ان جوزك مش هنا ..لاحسن لو حضرنى يوم ما رجعت من السفر كان اكيد اخد عنى فكرة غلط واكيد طردنى "
حسناء " لا طبعا .. مصطفي عمره ما كان حيعمل اكده ؟ لانك بنت عمو حسن وهو بيحبه اوى وبيحترمه اوى ؟"
نهى بضحك " انتى عالطول كده بتدافعى دايما مافيش هجوم خالص لا لازم تشدى عليه شوية علشان يبطل يسافر ويسيبك مع كوم العيال ده .. ده انتى تفتحى بيهم مدرسة "
أنت تقرأ
ولا في الاحلام. حبك
Fanfictionكلا منا لديه احلامه الخاصة ... منها أحلام نعيش من أجل تحقيقها ويسعي جاهدا لذلك .... أو أحلام لا يستطيع تحقيقها ولكن لديه أمل في ذلك ... ولكن هناك في قلب كل بشر حلم ..هدف ... فقط يتنفس من اجل تحقيقه ولا يتخيل حياته من غير هذا الحلم ...وقد يكون ال...
