ولا في الاحلام ..حبك
فى شركة الأشقر
اشرف يدخل مكتب مازن ومعه اوراق يضعها بقوة على سطح المكتب ويقول بغضب "انا قولتلك .. اتفضل تقرير الطب الشرعي كان مزور .. الحقيقي أهو "
مازن بعدم فهم "اييه اللى مزور ..براحة عليا ؟"
اشرف "انا من الاول قولتلك .. بسام مش لوحده ..فى حد بيساعده في ايد خفيه .. بسام مات برصاصة في القلب وبعد كده جثته اتحطت في المطبعة واتولع فيها علشان يبان انه اتوفي في الحريق "
مازن فقط ينظر للاوراق التى بيده ولا يصدق ما يحدث اشرف بكمل حديثه "انا من الاول شاكك ان في حد ورا بسام .. وهو اللى قتل بسام لما اخد منه كل اللى هو عايزه واكيد هو كمان السبب في حادثة حسناء وجوزها .. بس مين ده .. مين اللى عايز يخلص على الكل مرة واحدة ..في حاجات كتيرة مش واضحة .. "
مازن "وبعدين ..الموضوع كبير .. طاب مين اللى كان بيساعدوه.. رجالته .. اى خيط يوصلنا لحاجة ."
اشرف "للاسف .. الناس اللى كانت حواليه وبتساعده اختفت كلها من قبل الحادثة بيوم ..وكانهم دابوا ملهومش اى اثر ..حتى كاميرات الشركة انا فحصتها بنفسى ..مش باين منهم حد فيها نهائى .. شغل محترفين ..وده اللى يخوف ويقلق اكتر "
مازن " يبقي لحد ما نعرف اى حاجة نفتح ليهم كويس اوى .. مش حسمح باللى حصل يتكرر تانى .. عايز حراسة 24 ساعة على بيت عم محمد ..وكمان بيت حسناء .. ومن غير ما يعرفوا .. كفاية اللى عاشوا "
اشرف " تمام .. بس طلبك عايز ناس خبرة ..وممكن اتاخر شوية عقبال ما اجهزهم "
مازن "حاول على قد ما تقدر بسرعة علشان ما يحصلش مصيبة تانية ... يا رب عديها على خير "
***********************************
فى منزل مصطفي وحسناء
.ادم "ايه يا عم .. فينك مش حتنزل الشغل بقي ؟"
مصطفي " مش قادر يا ادم .. لسة تعبان .. "
ادم "ده شئ طبيعي اللى شوفته مش سهل .. بس لازم تحاول تتخطاه علشان تتعالج .. لان انت اللى علاجك فى ايدك انت "
في غرفة الأولاد
سهيلة "بسم الله ما شاء الله .. دى حضانه يا حسناء .. انتى ازاى عايشة كده "
حسناء بضحك "والله ماما وياسمين مش سايبنى ابدا .. بس برده الموضوع صعب جدا خصوصا بقي القردين دول "قالتها وهى تقصد التوأم يحيي ونسمة .
سهيله " هما فعلا اشقية اوى .. تعرفي انا كنت زعلانة علشان نجوان بنتى هادية بس خلاص انا فرحانه اوى بيها كده "
ياسمين بضحك تضع يديها على راس نسمة ويحيي وتقول "ما هو اللى يشوف بلاوى الناس تهون عليه بلوته "
أنت تقرأ
ولا في الاحلام. حبك
Fanfictionكلا منا لديه احلامه الخاصة ... منها أحلام نعيش من أجل تحقيقها ويسعي جاهدا لذلك .... أو أحلام لا يستطيع تحقيقها ولكن لديه أمل في ذلك ... ولكن هناك في قلب كل بشر حلم ..هدف ... فقط يتنفس من اجل تحقيقه ولا يتخيل حياته من غير هذا الحلم ...وقد يكون ال...
