رواية ولا في الاحلام حبك
الجزء الثانى
الفصل العشرين
بعد خروج نسمة وحاتم
اميرة تقترب من فارس كان بجانب والدته
اميرة " اهلا .. ازيك يا نهى ..عاملة ايه .. ده ابنك ؟"
نهى " الحمد لله . ايو ده فارس ابنى ؟"
اميرة " وايه اللى شلفته كده ؟"
نهى " عمل حادثة .. بس كانت جامدة شوية . الحمد لله انه قدر يقف على رجله تانى ..فضل اسبوع في السرير مش قادر يتحرك "
اميرة " يا حرااااام .. ( ثم اقتربت منه تمسك بوجهه وتضغط على الكدمات بشدة قائلة ) تعيش وتاخد غيرها .. علشان كده انا بقول الشباب متنفعش تسوق عربية ..تلاقيه كان بيبصبص لبنت ومش مركز في الطريق .. شقى انت يا فسافيسو "قالتها وهى ممسكة بخدوده بشدة .
نهى " فارس .فارس مش بتاع بنات "
اميرة " يا سلاااام .. امال بتاع ايه ..هى كده الام دايما اخر من يعلم ...وعلى راي المثل القرد في عين امه حمار "
نهى بضحك " ههههههههه . انتى لسة زى ما انتى دمك خفيف اوى ... ثوانى وراجعة " وابتعدت .
اميرة " اظن كده اتعلمت ازاى متجرحش بنات الناس تانى .وخلى بالك عمر لو كان عرف كنت زمانك ميت .. وابعد عن بنتى وسيبها في حالها ..علشان متتأذيش اكتر من كده "
فارس باسف " انا بجد اسف وماكنش قصدى اعمل كده ابدا .ولوهى دى الطريقة اللى حتسمحونى بيها انا مستعد لاكتر من كده باضعاف بس تسامحنى .انا مش قادر اتحمل نظارتها ليا "
اميرة " انا عن نفسي مش طايقاك ..ما بالك هى "
فارس يمسك بيديها يترجاها " لو سمحتى يا طنط ادينى فرصة تانية اكفر بيها عن اللى عملته "
اميرة تنظر له في عينيه وتلمح ندمه واسفه فتقول " بص اولا كده بلاش طنط دى علشان منزعلش من بعضنا .قولى يا ميرو..ولوعايز تثبت صدق كلامك يبقي تحترم رغبتها قالت ليك مش عايزة اشوفك تانى..يبقي تنفذ عالطول "
فارس " بس .."
اميرة " بس ايه ؟ قول الصراحة عايز من سلمى ايه ؟"
فارس " عايزها تسامحنى "ا
ميرة "ابعد عنها وانا حخليها تسامحك "
فارس "بس"اميرة " بص انا بس بتاعتك دى ملهاش عندى غير تفسيرين غي تفسيرين ..يا اما انت عيل سيس من بتوع احنا صحاب وتسحسح للبت . وانا بنتى مش بتاعة الكلام ده .يا اما بقى راجل وتعمل زى كل الناس المتربية والمحترمة وتدخل البيت من بابه واحنا بيتنا ميتوهش "
فارس ينظر لها بتوتر ثم يقول بصوت مهزوز" بس "
اميرة " انت علقت مش حافظ الا بس ... على العموم انا حسهلها عليك ..تكشف ورقك اكشفلك ورقى انا كمان . يعنى تقولى انت عايز من بنتى ايه ؟ انا اقولك ازاى تخلى بنتى تسامحك "
أنت تقرأ
ولا في الاحلام. حبك
Fanfictionكلا منا لديه احلامه الخاصة ... منها أحلام نعيش من أجل تحقيقها ويسعي جاهدا لذلك .... أو أحلام لا يستطيع تحقيقها ولكن لديه أمل في ذلك ... ولكن هناك في قلب كل بشر حلم ..هدف ... فقط يتنفس من اجل تحقيقه ولا يتخيل حياته من غير هذا الحلم ...وقد يكون ال...
