رواية ولا في الاحلام ..حبك
الجزء الثانى
الفصل الخامس
امنية بدأت في البكاءوفجأة جلست عند قدم حسن وقالت بالم " انا مش قادرة ... انا تعبت .. انا عايزة اكون مع بنتى .. مينفعش تبقي في الحالة دى ولوحدها .. وانتم حارمني منها .. انا السبب انا السبب في كل اللى بيحصلها ...."
حسن وضع يده على راسها يهدئها ويقول بتأثر " اتكلمى .. قولى كل اللى انتى عايزاه انا سامعك .. ومنتظرك تحكى كل حاجة من يوم ما رجعتى .. احكيليى كل اللى حصل معاكى هناك ..."
امنية ظلت تبكى بشدة مماجعل حسن يقول " معلش يا بنتى .. انا اسف علشان مسألتش عنك بس زى ما انتى شايفة مش قادر اقف على رجلى .. لو كنت "
امنية " لا يا بابا حسن ..انت مالكش ذنب انا السبب في كل اللي بيحصل .. انا من الاول اللى اخترت غلط .. وثقت في بسام لما رجع وصدقت انه اتغير .. ووافقت اتجوزه وكمان انجبت منه ... كان بيعاملنى عادى بس لما حاتم مات بدأ يظهر على حقيقته ولما اعترضت على ظلمه ليكم .. بدأ يعاملنى بقسوة ويهددنى انه حيحرمنى من بنتى ... وانا هربت على لندن لانى ماجد هو الوحيد اللى كان فاضلي .. اخويا اللى عمرى ما تصورت يعمل فيا كده "كانت تحكى بانفاس متقطعة بسبب بكاؤها الشديد .
حسن " اهدى يا بنتى .. انا حاسس بيكى ..اللى من لحمك ودمك يبيع ويشترى فيكى .. بتجيلك الطعنة من مكان عمرك ما توقعتيه .. بيقي الوجع وجعين "
امنية " ده مش اخويا .. ده مش ماجد اللى كنت بلعب معاه واحنا صغيرين .. ده شبحه .. لا ده واحد تانى خالص مافيهوش اى حاجة من اخويا .. ده بقي وحش .. استغلنى .. فهمنى انه معايا وحيكون ابويا واخويا وجوزى .. وكمان ابو بنتى واناصدقت .. وقولت ربنا فعلا حيعوضنى انا وبنتى بيه .. بس للاسف اكتشفت انه بيمثل .. وانه واخدنى انا وبنتى وسيلة علشان يوصل لهدف اكبر .. "
حسن "الحمد لله ان ربنا انقذك منه يا بنتى على خير .. ويارب يكفينا شره .. لان اللى زيه مش حينصلح حاله بس حيأذى كل اللى حواليه وبيأذى نفسه من غير ما يحس .. انسي يا بنتى "ا
منية تكلمت بألم " انسي ايه ولا ايه ... انسي انه في الوقت اللى بيمثل عليا دور الاخ الحنون .. والاب المثالى لبنتى كانبيخطط لقتلى انا وهيا علشان ياخد كل الممتلكات اللى كتبها بسام باسم بنتى .. ولولا انى سمعت المخطط بالصدفة .. ما كنش حيتردد لحظة انه يقتلنا ...تعرف يا بابا حسن .. انا في لحظات فكرت انى انتحر بس ربنا رزقنى قوة غريبة علشان اقدر اهرب منه واحمى نفسه من شره انا وبنتى ...بس هو برده غلبنى وقدر ينتصر عليا وينفذ اللى هو عايزه "
حسن بعد م قهم " تهربى منه ؟؟؟ ازاى هربتى وازاى خطف ميرال منك ؟"
امنية " انا يوم ما عرفت انه هو اللى قتل بسام وحاتم .. وكمان كان عايز يقتل حضرتك وحسناء ..وكان بيدبر لقتلى انا كمان ... قررت انى اهرب واخدت معايا ورق مهم اوى ليه علشان اضمن انه مايحاولش ياذينى انا وبنتى اتصلت بصديقة ليا في لندن وكانت مرات السفير المصرى هناك .. لجأت ليهم وقعدت عندهم فترة كبيرة ميرال كبرت وانا كنت بتابع شغل الشركات اللى سابها بسام .. وقلت خلاص حينسانى ويسبنى اعيش انا وبنتى ... بس هو منساش كان بيخطط وبيجهز علشان ينفذ كل اللى هو عايزه ..اول ما السفير مات ... بعدها بايام خطف بنتى منى .. وبعتلى صور ليها وهو بيحقنها مخدرات علشان ارجع ليه الورق اللى كنت بهدده بيها واملاك بسام ..... وانا عملت كل اللى قال عليه بس هو مرجعليش بنتى "
أنت تقرأ
ولا في الاحلام. حبك
Fanfictionكلا منا لديه احلامه الخاصة ... منها أحلام نعيش من أجل تحقيقها ويسعي جاهدا لذلك .... أو أحلام لا يستطيع تحقيقها ولكن لديه أمل في ذلك ... ولكن هناك في قلب كل بشر حلم ..هدف ... فقط يتنفس من اجل تحقيقه ولا يتخيل حياته من غير هذا الحلم ...وقد يكون ال...
