ولا في الاحلام. حبك

جزء 9

جاء اليوم المنتظر فاليوم في اكبر فنادق القاهرة يقام حفل زفاف حاتم حسن الأشقر اشهر رجال الأعمال في مجال الصناعة والسياحة البلغ من العمر 33.عاما ..

علي الآنسة ..حسناء محمد الجميعي البالغة من العمر 21 عاما.. والتي لم تتوقع أبدا انها سوف تغادر بلدتها الصغيرة والآن هي أصبحت من اهم سيدات المجتمع...

كانت قاعة الفرح ممتلئة برجال الاعمال واقارب واصحاب العروسين وعدد من الإعلاميين واكيد عدسات التصوير لعدد من المجلات والجرائد لتغطية هذا الحدث العظيم.

. وسوف يحيي الحفل عدد من نجوم الغناء في مصر فالسيدة ناهد لم تقبل باقل من ذلك فهي اهتمت بكل شيء بنفسها ..

حتي فستان العروس التي كانت مثل الاميرات فيه... ولما لا فارتدت عقد علي رقبتها من الالماس الخالص وبه بعض الأحجار الكريمة ذات اللون الأزرق بلون عيناها... انها بالفعل ليلة العمر... بل اكثر مما تحلم به اي فتاه...

قبل الحفل بساعات .'.نهي وجميلة''في احد المولات الضخمة

جميلة '' لا بصراحة ده أحلى واحد فيهم ''

نهي ''وانا كمان بقول كده ''

جميلة '' بس ممكن جوزك يرفض انك تلبسيه''

نهي بتردد '' لا طبعا .. بدال عاجبني يبقي خلاص ...تفتكري ممكن يرفض''

جميلة '' والله من حقه ..لو رفض ..اصله مكشوف شوية ''

وهنا دخل امجد زوج نهي قائلا..'' شوية ..قولي عريان ..فاضح ..ايه ده يا نهي ''

نهي '' فستان عجبني ..وعايزة احضر بيه فرح حاتم ...ولو سمحت وافق ..كفايه اللي حصل من شوية ..والله انا حعيط خلاص ''

امجد '' طاب يا حبيبتي .. متزعليش انا حشتريه ليكي بس مش تلبسيه النهاردة ...وتعالي بقي ندور مع بعض علي واحد غيره '' حاولت نهي الاعتراض .لكن امجد له سحره وطريقته الخاصة في اقناعها مما جعلها تستجيب لاوامره '

جميلة '' يا حلاوتهم ..شكلهم حلو اوي مع بعض ...حسبي الله ونعم الوكيل فيك ياللي في بالي ''

مازن خلفها يقترب منها ويهمس بالقرب من اذنها '' اوعي تكون عينك الحلوة دي ... مدورة وبتحسد .. وبعدين مين اللي في بالك ده''

جميلة بخضة '' استغفر الله العظيم ..انا عايزة اعرف انت بتطلع منين بالظبط ...ده انت لو عفريت مش حتظهر قدامي كل شوية كده ''

مازن '' يا بنتي انا محدش يتوقعني ....وبعدين انتي اللي بتشديني ليكي زي المغناطيس اعمل ايه ...حتي شوفي ''

قالها ثم اقترب منها واحتضنها بقوة ...اما جميلة لم تتردد وصفعته قلم اخر ...ثم ابتعدت لتقترب من مكان تواجد نهي وزوجها ...