رواية ولا في الاحلام حبك ..
الجزء الثانى
الفصل السادس
فى منزل حسناء ومصطفي
حسناء المنشاوى ( ابنة مازن وجميلة ) ببكاء " ابنك خدعنى .. ضحك عليا ... ابنك .."
مصطفي يخرج من الغرفة يقاطعهم قائلا " خير يا حسناء .. اشقر عمل ايه ؟"
حسناء المنشاوى " اشقر متجوز .. متجوز وهو خاطبنى "الخبر صدم حسناء الجميعى لدرجة انها تصلبت في مكانها ..والين بصدمة تقول " اخويا انا ... متجوز .. اانتى اكيد فاهمة غلط .. انتى ظالماه ... اشقر ميعملش كده "
حسناء المنشاوى " ظالماه .. انا ححكيلكم كل حاجة ..( فلاش باك )
حسناء خرجت من الشركة مسرعة تركب سيارتها تقودها بسرعة حتى وصلت للعنوان الذى بيديها في الورقة ثم ظلت بسيارتها محتارة ان تنزل او ترجع .. وتكلم نفسها "هو ليه ساب الاجتماع بسرعة كده ؟؟ عمره ما عملها قبل كده ؟.. ممكن يكون مخبي عليا حاجة ؟؟ بس ليه يروح المكان ده بالذات ؟؟ دى مصحة علاج ادمان ؟؟ معقولة يكون ؟؟ لا اشقر اصلا ما بيدخنش .. بس لو شافنى حيفتكر انى براقبه .. وممكن يزعل... اووووووف .. لا انا حنزل واطمن بنفسي .. "
حسناء المنشاوى تدخل المصحة .. بخطوات بطيئة تصل الى الاستقبال وتسال بتردد " لو سمحت . انا كنت عايزة .. اسال .. عن .. هو عن شخص يعنى "
موظف الاستقبال " حضرتك انا تحت امرك.. متقلقيش احنا هنا كل العلاج بيكون تحت اطباء متخصصين .. وكمان في سرية تامة .. والخطوة اللى انتى ناوية تعمليها ..دى بداية العلاج ..."
حسناء " لا .. لا انت فهمت غلط انا مش عايزة اتعالج .. انا بس ..." كانت تتكلم بتوتر وايضا تلتفت حولها وفجأة رات اشقر على مرمى البصر .. فتحركت اليه مسرعة ..وما ان اقتربت سمعته يتكلم مع الدكتور ..
الدكتور " احنا اسفين بس منقدرش نعمل اي خطوة من غير امضاء حضرتك .. خاصة لما تبقي الحالة صعبة زى زوجة حضرتك
"حسناء تدخلت في الحديث بصدمة " زوجة ...زوجة مين .. انت تقصد ايه ؟(ثم نظرت لاشقر ) انت متجوز يا اشقر؟ رد عليا ..انت متجوز (قالتها وهى ممسكة بياقته وبصراخ )اشقر صامت لا يرد ..
وهنا تتدخل امنية التى خرجت من الغرفة على الصراخ " افهمينى يا حسناء .. الموضوع مش زى ما انتى فاهمة .. اشقر متجوز من بنتى بس .."
حسناء بابتسامة كلها غضب " ااه .. بنت حضرتك .. متجوز بنتك ..الكلام ده بجد ... رد يا اشقر .. انا بسألك لاخر مرة انت فعلا متجوز بنتها ؟"
حسناء تخلع خاتمها وتقذفه في وجهه ثم تقول " اشبع بيها ..وكمل معاها هى "ثم ابتعدت عنه تجرى .
أنت تقرأ
ولا في الاحلام. حبك
Fanfictionكلا منا لديه احلامه الخاصة ... منها أحلام نعيش من أجل تحقيقها ويسعي جاهدا لذلك .... أو أحلام لا يستطيع تحقيقها ولكن لديه أمل في ذلك ... ولكن هناك في قلب كل بشر حلم ..هدف ... فقط يتنفس من اجل تحقيقه ولا يتخيل حياته من غير هذا الحلم ...وقد يكون ال...
