رواية ولا في الاحلام حبك
الجزء الثانى
الفصل الرابع
في لندن
على باب الفندق يقف عمر متوتر للغاية ينظر امامه وخلفه واذا باشقر يظهر فجأة امامه .
عمر بخوف " بسم الله الرحمن الرحيم .. انت جيت منين "
اشقر بجدية " يلا يا عمر ... مافيش وقت "
عمر يبتلع ريقه بخوف " خلاص .. اشهد ان لا اله الا الله وان محمد رسول الله "
اشقر " لو خايف اوى كده .. خليك "
عمر " لا خايف ايه ؟؟ انا مرعوب بس؟؟.. بس هو انا ينفع اروح مصر بسرعة اقول لالين انى بحبها وارجع اتقتل عادى "
اشقر بابتسامة " متقلقش ..حنخلص كل حاجة ونرجع بلدنا ..ونعمل مشروع القرية كمان .. وكل اللى انت عايزه حتعمله "
عمر " الله يخربيت برودك ده ...ثقتك الزيادة في نفسك دى حتوديك وتودينى معاك ورا الشمس "
اشقر " وايه اللى يجبرك على كده ؟"
عمر " علشان جمال عيون امك واختك طبعا "
اشقر يضحك " ايه رايك لو رجعنا بالسلامة ... حجوزك اختى ؟"
عمر بفرحة وابتسامة " انت بتتكلم جد "
اشقر " انا مش حلاقي لاختى ارجل منك ..ولا حد حيحافظ عليها ويحبها قدك .. وانت من زمان طلبت منى انك ترتبط بيها وانا قولت ليك بعد التخرج .. بس لما اشوف رايها الاول ؟"
عمر يمسك اشقر من ذراعه بعنف ويهزه " انا مش مصدق .. طاب احلف كده .. قول وحياة امى "
اشقر " ههههههه .. وحياة امك"
عمر يخلع جاكيت البدلة ثم يرفع اكمام القميص ويقول بحماس " كده الواحد يقاتل بنفس .. بسم الله توكلنا على الله "
اشقر " تقاتل ايه ؟ احنا داخلين حرب .. انت حتروح على المطار تقابل استاذ اشرف وتستنى فى المطار معاه .. اهم حاجة تخلى بالك من الشنطة دى علشان فيها اوراق مهمة اوى ... وانا وعم مازن حنحصلك "
عمر بضحك" الله بس كده .. امال ايه الرعب اللى معيشنا فيه من زمان ده ... ده سهل اوى .. متخلينى اقتحم معاكم "
اشقر بغضب ينظر له ويقول" مش وقت هزار وخفة دم يا عمر يلا اتحرك بسرعة ونفذ كل اللى قلته ليك ...وركز علشان نخلص بقي " ثم ابتعد وهو يزفر بغضب .
عمر"حتى واحنا بنموت بيأمر وينهى .... يارب نخرج من البلد على رجلينا مش على نقالة ".
*****************
في المطار
الجميع بحماس ينتظر عودتهم بعد غياب اكثر من شهرين ..ماعدا عم حسن .ومصطفي كان القلق والخوف غالب عليهم لانهما يعلمان الكثير .
أنت تقرأ
ولا في الاحلام. حبك
Fanfictionكلا منا لديه احلامه الخاصة ... منها أحلام نعيش من أجل تحقيقها ويسعي جاهدا لذلك .... أو أحلام لا يستطيع تحقيقها ولكن لديه أمل في ذلك ... ولكن هناك في قلب كل بشر حلم ..هدف ... فقط يتنفس من اجل تحقيقه ولا يتخيل حياته من غير هذا الحلم ...وقد يكون ال...
