رواية ولا في الاحلام ..حبك
الجزء الثانى
الفصل السادس عشر
يحيي " هههههههههههههه .. عملت كل اللى قولت عليه بس الواد لازقة ..شكل نسمة عجبته .. بصراحة هو عريس مافيهوش عيب .. البت نسمة دى محظوظة "
حاتم في قمة غضبه .يحيي لاحظ وهو يسرع مبتعد عنه " ياااه انا مش قادر .. انا داخل انام "
.حاتم ظل يزفر بغضب ..ويركل الهواء ..ثم تحرك بغضب الى الداخل فاذا به يصطدم بباب الشقة فاذا به يدفع الباب بقوة ويقول " هى نقصاك انت كمان ... انا عارف انه يوم اسود من اوله "
نسمة خرجت من الداخل وتضحك بشدة وتقول " ههههههه اسود على دماغك ..انت بس. ههههههههههههه"
حاتم بغضب " قصدك ايه؟"
نسمة اقتربت تنظر الى رأسه قائلة "يا خسارة .. كان نفسي تنتفتح دماغك واشوف دمك .. لكن المتوقع طبعا معندكش دم ما انت من ذوات الدم البارد ..برمائيات بسلامتك "ثم ابتعدت عنه .
حاتم "انتى بجد عاجبك البتاع ده ؟"
نسمة " اولا اسمه هانى ..مش بتاع .. ثانيا هو انسان محترم وجميل واى بنت تتمنى انه يكون شريك حياتها .. بس بلاش نسبق الاحداث لما بابا وماما يرجعوا من السفر ابقي افكر في الموضوع مع ان الموضوع مش محتاج تفكير اصلا.. انا شوفت عيون ملونة قليل وكتير بس في جمال ورقة عيونه مشوفتش ابدا
ثم ابتعدت عنه وظلت تمشي ببطء تغنى " لا كان على الخاطر ولا كان في النية ...تتجوزى يا نسمة ظابط بحرية عينه .عينه .... عينه ملونة عينة " ثم جرت الى غرفتها خوفا من غضب حاتم الذى كاد ان يقتلها .
دخلت الغرفة تضحك بشدة ..وتقفز من فرحتها .. وتقول " يا بركة دعاكى يا سوسو .. الموضوع ماشي تمام .وربنا مسهل الامور على الاخر .. هانى ده نزل عليا من السما يارب كملها على خير زى ما خططنا انا وميرو ."
(فلاش باك )______________________
صباحا في بيت محمد الجميعى تدخل اميرة غرفة نسمة .
اميرة " صباح الخير .. ازيك يا بت "
نسمة " صباح النور .الحمد لله يا ست "
اميرة " لمى لسانك احنا لسة الصبح "
نسمة " لما تلمى لسانك انتى الاول ..ابقي افكر "
اميرة "لولا امك موصيانى عليكى .. كنت قطعت لسانك ده خالص "
نسمة " بطلى كدب بقى..وصية ايه ؟ انتى بس فرجانه علشان رايحة جاية ..شاربة واكلة ..نايمة قاعدة على قفانا وخلاص زى ابنك بالظبط .. بطلوا تسول بقى "
اميرة بغيظ تكتتم غضبها وتقول " بقى كده يا بت .... يا بت حسناء ..انا اللى غلطانة علشان قلقانة عليكى ..وجاية انصحك علشان توقعى الواد حاتم "
أنت تقرأ
ولا في الاحلام. حبك
Fanfictionكلا منا لديه احلامه الخاصة ... منها أحلام نعيش من أجل تحقيقها ويسعي جاهدا لذلك .... أو أحلام لا يستطيع تحقيقها ولكن لديه أمل في ذلك ... ولكن هناك في قلب كل بشر حلم ..هدف ... فقط يتنفس من اجل تحقيقه ولا يتخيل حياته من غير هذا الحلم ...وقد يكون ال...
