ولا في الاحلام حبك
الجزء الثانى
الحلقة الخامس والعشرون
عند نجوان ويحيي
فى احد الشاليهات المطلة على البحر الاحمر تجلس نجوان تمسك باحد الكتب تقرأها ..
واذا بيحيي يخرج من الغرفة يقول " صباح الخير"
نجوان " صباح النور "
يحيي ينظر لها بنصف عين " انتى بتعملى ايه ؟"
نجوان " مافيش كنت بقرا كتاب ..يعنى بتسلى لحد ما تصحى "
يحيي يخطف الكتاب من يديها ويقول " انا مش اتفقت معاكى بلاش علم نفس وانا موجود"
نجوان " انت كنت نايم ..وبعدين انت ليه مش بتحبه .ده اكتر العلوم انتشارا دلوقتى واكترهم فايدة "
يحيي "لا ..ده كله كلام فاضي ..وهبل .."
نجوان " ..لو سمحت مش حسمح انك تغلط فيه .وما تتكلمش عنه بالطريقة دى تانى.."
يحيي " هو انا غلطت في اهلك ..ايه التعصب ده كله . كله بيبقي كذب وكلام هايف كمان ."
نجوان " انا بحترم العلم ده اوى ..وبحبه اوى . ومتقولش حاجة الا بدليل ." ي
حيي يقترب منها ويقول " طاب بزمتك ..انتى مش كنتى بتقولى ان اى شخص بيخترق الخصوصية البيولوجية لاى شخص تانى ده بيضايقه ..انتى اضايقتى لما اخترقت خصوصيتك البيولوجية ."
نجوان تبتسم بخجل ..
يحيي " عرفتى بقي ان كلامى صح "
نجوان " لا ..انا كنت اقصد اى حد ..مش انت ..يعنى حد متطفل ..يخترقها غصب عننا ..مش احنا اللى نسمح ليه بكده
يحيي " نعم ,ومين ده اللى يقدر يعمل كده ..اى حد يحوم حول خصوصيتك البيولوجية ..يحوم ايه ..اى حد يكح جنبك بس ..انا افصل رقبته عن جسمه عالطول "
نجوان "اهدى ..انا مش اقصد .يعنى ممكن يحصل بصورة تلقائية غير مقصودة "
يحيي " بصي بلا مقصودة ..بلا مرفوضة ..هو اللى عندى قلته .. علشان انتى مش متجوزة فوزية ..واقفلي الموضوع ده بقي علشان انا دمى ابتدى يفور عليا "
نجوان " اضايقت "
يحيي " انا حنفجر"
نجوان تقترب منه وتضع يد على ظهره ويد علي بطنه وتقول بهدوء له " غمض عنيك ..انا حخحليك تهدى حالا
يحيي بابتسامة ماكرة " بس بسرعة علشان انا مضايق اوى وهدينى بذمة .."
نجوان " اوكى بس غمض عينك وخد نفس طويل ..واكتمه "
يحيي كان يغمض عينيه وما ان سمع كلماتها يفتحها مرة اخرى ويقول لها " نعم يا ختى ..احنا حنغطس فوق الكنبة "
أنت تقرأ
ولا في الاحلام. حبك
Fanfictionكلا منا لديه احلامه الخاصة ... منها أحلام نعيش من أجل تحقيقها ويسعي جاهدا لذلك .... أو أحلام لا يستطيع تحقيقها ولكن لديه أمل في ذلك ... ولكن هناك في قلب كل بشر حلم ..هدف ... فقط يتنفس من اجل تحقيقه ولا يتخيل حياته من غير هذا الحلم ...وقد يكون ال...
