ولا في الاحلام. حبك

جزء 8

روايه (ولا في الأحلام.. حبك )

في منزل محمد الجميعي .

------------------------

محمد الجميعي يدخل منزله مساءً ويتجه الي غرقة ابنته حسناء.....

والدها. '' ايه يا حسناء لسة صاحية ''

حسناء '' اتفضل يا بابا انا صاحية ''

والدها يقترب منها وينظر في وجهها قائلا '' بتعيطي ليه''

حسناء بصوت غالب عليه البكاء. '' مش عارفة يا بابا

متوترة..... قلقانه... خايفة... حيرانة.. تعبانة. ....'' ثم تعالي صوتها في البكاء

والدها ''' يااااه للدرجة دي يا حسناء عالي العموم لو كل واحدة اتقدم ليها عريس وعملت زيك كده محدش حيتجوز ابدا.. ''

بصي يا بنتي كل شيء مقدر ومكتوب.. واللي في نصيبك اكيد حيصيبك.. بس اعرفي انك مهما قولتي انا معاكي

ومتخافيش من حد ابدا ولا تفكري الا في سعادتك بس.... ''

حسناء '' وحضرتك رأيك ايه؟''

والدها '' بصراحة يا بنتي انا زيك مش قابلته كثير بس ارتحت ليه.. واحترمته اوي بعد اللي والده قاله عنه..

بس برده انتي حرة في قرارك... وخالي بالك لا القلق ولا العياط بيجيب نتيجة.... تصبحي علي خير يا حبيبة ابوكي ''

وتركها وحدها ظلت تنظر من خلف الشرفة وترفع يديها للسماء وتتمتم ببعض الادعية 'الآيات الكريمة لعلها ترتاح..

. وما هي الا ساعات حتي حل الصباح.. ودخلت على والدها لتبلغه بقرارها

مر أسبوع وها هي اليوم خطوبة حسناء اليوم ومن ساعات الصباح الباكر اتت كلا من السيدة ناهد والدة العريس واخته نهي حتي يكونان بجانب العروس ..

ويجهزوها للخطبة بعدما اصرت حسناء علي أن تقام الخطبة بالمنزل وان تكون مقتصرة فقط علي العائلتين والأصحاب..

في غرفة حسناء تدخل اميرة كعادتها دون طرق الباب

وترقص ( رقص مهرجانات ) وتغني'' افرحي يا عروسة ....انا العريس.... يا عروسة يا عروسة ..ده انا العريس... '' وفجأة انتبهت لوجود أشخاص غرباء بالغرفة مع صوت ضحكات تصدر منهم..

واذا بها تعتدل في مشيتها و ملابسها وتقول بهمس وهي تقترب من جميلة '' يا دي الكسوف... ايه بس حرقة الدم دي... مش تغمزلي يا هبلة انتي... مين الناس النضيفة دي؟ ''

جميلة يضحك. '' اقدم لكم انتيمة اختي حسناء ... اميرة الهبلة. '' ثم جرت من أمامها

وذهبت بالقرب من السيدة ناهد وهي تضحك وتقول '' دي بقي حماة اختي حسناء ...ودي نهي بنتها ''