ولا في الاحلام. حبك

جزء 33

رواية ولا في الاحلام . حبك

عند مصطفي وحسناء .

مصطفي " ها يا حسناء ... مش عايزة تشوفي هديتك "

حسناء بابتسامة" على فكرة انت من يوم ما رجعت من السفر .. وانت بتقول ليا كده .. ومش بشوف منك اى هدايا "

مصطفي بجدية " عايزة تشوفيها ولا لا .. انا مش بهزر؟"

حسناء " بصراحة عايزة .. بس الاولاد حيرحوا فين "

مصطفي يقترب منها وبابتسامة " يرحوا عند جدتهم "

حسناء " ما ينفعش .. خلاص ياسمين اتجوزت .. وماما مش حتقدر على الاولاد لوحدها .. حيتعبوها اوى "

مصطفي " اه صح ...من يوم ما رجعت من السفر ما شوفتش احمد خالص ."

حسناء " انا نسيت اقولك .. ماما كلمتنى النهاردة الصبح وقالت انه تعبان اتجرح في راسه .."

مصطفي " نبقي نزورهم النهاردة .. علشان نطمن عليه وكمان اشوف الولاد .. وحشونى جدا .. انا حتصل بيه " قالها وابتعد ليدخل الغرفة .

حسناء " يا ريت الين واشقر حيفرحوا اوى ."

بعد فترة يخرج مصطفي ويجلس بجوارها ويقول" اتفضلى ..يارب تعجبك " حسناء " ايه ده ؟"

مصطفي " هديتك "

حسناء بخجل " هو في بجد هدية .... اصلي فكرت انك تقصد ..."

مصطفي يميل عليها ويهمس فى اذنها " انا قولت تشوفي الهدية مش نصفي الحسابات ... وبعدين الحسابات تستنى لحد الاولاد ما يناموا .. بس هديتك متستناش افتحيها وقولى رايك "

حسناء تفتح العلبة وتجد بداخلها سلسلة ذهبية رقيقة جميلة مكتوب عليها اسمها ومزينة بفصوص ملونة تزيد من جمالها

حسناء " الله جميلة .. بس ماكنش ليها لزوم .. كفاية اللى جبته للاولاد "

مصطفي " انتى اجمل منها ..وتستاهلى اكتر من كده بكتير واعتبريها شبكتك .. ولا انتى ناسية انى لما اتجوزتك ماجبتش شبكة "

حسناء " لا طبعا انتى جبت ليا خاتم جميل جدا .. بس دى شكلها غالية اوى .. انت كل فلوسك حتصرفها على الهدايا بقي "

مصطفي " هههههه انا فلوسى دى ايه اهميتها لو مش حستخدمها في سعادتكم .. "

حسناء وهى ترتديها "زوقها جميل اوى .. شكرا اوى يا مصطفي ربنا ما يحرمنى منك "

مصطفي " انا وصيت عليها واحد صاحبى .. ونزلت امبارح مخصوص علشان اجيبها "

حسناء " يعنى كنت بتضحك عليا الايام اللى فاتت وتقولى تشوفي هديتك وهى مش موجودة "

مصطفي " لا انا كنت اقصد هدية تانية ."

حسناء " هو لسة في تانى ... لا يا مصطفي ..كده بجد كثير