ولا في الاحلام. حبك

الحلقة الخاصة السابعة

عند اميرة وحسناء في المستشفى 

دكتورة نهلة تقترب من حسناء" اهلا ازيك يا طنط ..واخيرا شوفناكى فينك من زمان "

حسناء الجميعى " ازيك يا نهلة .معلش كنت مشغولة شوية الايام اللى فاتت المهم حسناء عاملة ايه النهاردة؟؟ ها فاقت ولا لسة "

نهلة بابتسامة " يا مسهل ادعيلها بس ربنا يفوقها .."

حسناء " يارب ..وعمر ناوى يخرج امتى ؟"

نهلة " ههههههههههههه .والله انا ناقص اطرده من هنا ..مش راضى يفهم اننا هنا مستشفى .فاكرنا فندق سبع نجوم "

حسناء "هههههههههههههههههههههه يعنى هو بخير "

نهلة " زى الفل بيقضي شهر عسل جديد مع الين تحت رعايتنا الطبية "

اميرة بضحك " هههههههه الله اكبر امسكى الخشب يا دكتورة "

نهلة خرجت من جيبها خافض اللسان ( الذى يستعمله الطبيب للكشف على الحلق ) وقالت بضحك " اهو طول النهار مسكاه متخافيش يا طنط"

حسناء واميرة يضحكون بشدة مع نهلة ثم نهلة تقول " اااه انا عايزة حضرتك في موضوع مهم ممكن "

حسناء " خير يا حبيبتى "

نهلة "لا مش حينفع هنا تعالى نتكلم في المكتب عندى احسن "ثم سبقتها تجاه المكتب .

حسناء اختفت ابتسامتها وقالت " خير .استر يا رب " وتحركت للمكتب هى واميرة

فى غرفة الدكتورة نهلة ممسكة بعض الاوراق تنظر لها وتقول " بصى يا طنط انا بقالى مدة منتظرة قدوم حضرتك علشان اقولك الخبر ده بنفسي ..."

اميرة تقاطعها " يااالهوى ..خبر ايه تانى.. ده ايه المستشفى الفقر دى ..من يوم ما دخلناها واحنا واحد ورا التانى عامل يقع ..جرى ايه يا نهلة ..انتو مش لاقين غيرنا تخلصوا علينا ..خفوا علينا شوية "

نهلة بابتسامة " متقلقيش ياطنط ..مافيش حاجة تقلق ..اصل "

حسناء تقاطعها والقلق يملئ ملامحها " لو سمحتى يا نهلة قولى كل حاجة بصراحة ..متخبيش عنى حاجة .." كانت تتكلم بخوف وبصوت مهزوز .

اميرة " والمصحف لو صاحبتى جرى ليها حاجة ما حرحمكم ..انتى فاهمة .ماهو مش فاضل غيرها وغيرى لسة وافقين على رجلينا ..كله وقع واتعالج عندكم ..ايه مش مكفيكم كل دول "

نهلة " ممكن تسمعونى .انتو ليه متشائمين كده "

اميرة " وهو اللى يدخل عندكم يعرف التفائل منين .ده انا من يوم ما شوفتك عمرك ما قلتى ليا خبر يفرح "

نهلة لانها تعلم اميرة جيدا ظلت تضحك ثم قالت " ربنا يسامحك يا طنط .. على العموم المرة دى الخبر حلو اوى والله "