الحلقة الخاصة التانية
ولا في الاحلام حبك
عند اميرة وسلمى
اميرة تدخل غرفة ابنتها تجدها مستلقية على السرير غارقة في افكارها فتقترب منها وتجلس بقربها الا ان سلمى لم تشعر بها فتقول اميرة " اللى واخد عقلك "
سلمى تنتبه لصوت امها فسرعان ما تجلس وتقول " ماما ..خير في حاجة ؟"
اميرة " المفروض انا اللى اسألك السؤال ده ؟ خير ..ايه اللى عامل فيكى كده ؟"
سلمى بابتسامة تحاول ان تطمئن والدتها " انا بخير يا ماما متقلقيش ؟
اميرة" وهو انا ليا مين غيرك دلوقتى اقلق عليه ؟ انا في الدنيا دى كلها ماليش غير ابوكى واخوكى وانتى ..ابوكى وخلاص اتجوزته ..عمر خلاص وجوزته ..مش فاضل الا انتى ."
سلمى " يعنى لو اتجوزت حتبطلى تقلقي عليا ؟"
اميرة بابتسامة " متهربيش منى ..شغل اللف والدوران مش عليا ..لانى استاذة فيه ومن زمان ..ومتنسيش انتى وعدتنى قبل كده انك مش حتخبى ابدا عنى اى حاجة تحصل معاكى ."
سلمى كادت ان تتكلم الا ان اميرة قاطعتها بتحذير "ومتقوليش انك كويسة وبخير ولا الشغل تاعبنى والحاجات المكشوفة دى علشان مش حصدقها ..ها في ايه ؟ "
سلمى باستسلام لاوامر امها " مش عارفة يا ماما ..بجد مش عارفة انا ليه دايما بتعامل معاه كده . انا والله بحبه .وبحبه اوى .. بس بتوتر من قربه منى ببقي فرحانه وانا شايفاه قدامى ومعايا بس يكون في مساحة بينا مش قريبين من بعض .. ايوه خلاص سامحته بس منسيتش اللى حصل منه قبل كده . ..فهمانى يا ماما ..بس حتفهمينى ازاى اذا انا مش فاهمة اللى انا فيه ؟"
اميرة كانت اثناء حديث ابنتها تراقب نظرات ابنتها المتوترة وحيرتها الكبيرة التى تؤلمها وتسرق نومها .فاحتضنت ابنتها وقالت " طبعا يا حبيبتى ..ومين يفهمك زيي ..انا يمكن كنت غبية حبيتين زمان في الدراسة بس دلوقتى خلاص انا كبرت وعقلت ..تعرفي انا لودخلت ثانوية عامة تانى دلوقتى حجيب 101%..وادخل هندسة وابقي مهندسة اشطر منك انتى وابوكى كمان "
سلمى تحتضن امها ولا تتكلم فقط تبتسم على كلماتها .
اميرة " بس هو ايه اللى حصل خلاكى متلخطبة كده ومحتارة ..اكيد حاجة حصلت ؟"
سلمى تهز راسها بالايجاب .
اميرة " زعلانين مع بعض ؟"
سلمى " مش عارفة حاجة زى كده ؟"
اميرة " يعنى ..زعقلك ..شتمك .. ضربك "
سلمى " لا طبعا .."
اميرة " امال اتخانقتوا ازاى ؟"
أنت تقرأ
ولا في الاحلام. حبك
Fanfictionكلا منا لديه احلامه الخاصة ... منها أحلام نعيش من أجل تحقيقها ويسعي جاهدا لذلك .... أو أحلام لا يستطيع تحقيقها ولكن لديه أمل في ذلك ... ولكن هناك في قلب كل بشر حلم ..هدف ... فقط يتنفس من اجل تحقيقه ولا يتخيل حياته من غير هذا الحلم ...وقد يكون ال...
