ولا في الأحلام.... حبك
الدكتور '' انا آسف... الحالة كانت صعبة جدا... البقاء لله ''
وهنا صرخت جميلة وظلت تكرر '' انا السبب... انا السبب ''
حسناء احتضنت اختها وبدات دموعها تتساقط بهدوء علي عكس جميلة التي ظلت تصرخ وتبكي لانها تعلم انها السبب....... ( فلاش باك)
جميلة بهدوء '' مازن.. طلقني ''
ساد صمت لوقت قليل في الغرفة وحاول مازن التكلم الا ان ناهد قالتها واضحة '' اطلعوا بره .... يلا '' وأغلقت الباب
ورجعت لتحضن جميلة وتقول لها'''بصي يا بنتي.. في حاجة عايزاكي تعرفيها عن مازن.. وبعد كده انتي حرة ...
مازن يا بنتي ضحية اب فاسد. .. روفيدا اجمل وأطيب صديقة ليا ...اتجوزت من اشرف المنشاوي.. والد مازن.. وانجبت مازن وكانت سعيدة في حياتها وكانت بتحب جوزها جدا... بس هو عمره ما حب حد... اتوفت ومازن عنده 8سنين كان وقتها حزين ومكسور... حاولت أجيبه يعيش معايا لكن ابوه رفض...
وبعدها عرفت ان والده اتجوز بعد وفاة روفيدا بأسبوع... الله يسامحه... بقي كل شوية يتجوز واحدة... وكل ما اروح ازور مازن الاقيه ضايع ونفسيته تعبانه اوي... المهم اول ما كمل 18سنة ابوه جابله شقة علشان يعيش فيها لوحده ....بقيت بزوره كتير وحاولت معاه يجي يعيش معانا بس مش وافق ابدا.......
مازن كان متاثر بحياة والده وكان بيعرف بنات كتير.....
بس يا بنتي والله من يوم ما عرفك انا حاسيت انه اتغير..
انا اول مرة اشوفه مكسور وحزين كده من يوم ما والدته ماتت
يا بنتي انتي كنتي عارفة ماضيه وقبلتي بيه.. وجاية دلوقتي مع اول مشكلة تستسلمي بسهولة كده وتسبيه... مازن محتاجك جنبه وصدقيني حيبقي واحد تاني خالص ''
جميلة '' بس هو جرحني وآذاني اوي ''
ناهد "ابعدي عنه. فترة.. وعاقبيه زي ما انتي عايزه لكن بلاش الطلاق يا حبيبتي.. لان انتي كده حتعاقبي نفسك معاه ''
حسناء '' الموضوع خلص خلاص يا ماما ناهد.. بكرة احنا مسافرين.. وقرارنا مش حيتغير ''
ناهد '' انتي بقي بالذات مش عايزة اسمع منك حاجة ...حسابك معايا بعدين انتي فاهمة ... ها يا جميلة... فكري يا حبيبتي ومتخليش حد ياثر عليكي ''قالتها وهي تنظر لحسناء
ناهد تتجه نحو الباب لتخرج وما ان فتحته... اذا بحاتم ومازن يدخلون كادوا ان يقعوا فتبتسم ناهد وتقول '' انتو مش حتبطلوا بقي... طول عمركم تعملوا المصيبة وبعد كده تتسمعوا من ورا الباب علشان تعرفوا العقاب... يلا قدامي.. لاحسن تنطردوا تاني ''
أنت تقرأ
ولا في الاحلام. حبك
Fanfictionكلا منا لديه احلامه الخاصة ... منها أحلام نعيش من أجل تحقيقها ويسعي جاهدا لذلك .... أو أحلام لا يستطيع تحقيقها ولكن لديه أمل في ذلك ... ولكن هناك في قلب كل بشر حلم ..هدف ... فقط يتنفس من اجل تحقيقه ولا يتخيل حياته من غير هذا الحلم ...وقد يكون ال...
