ر وايه ولا فى الاحلام حبك.
عند ياسمين واحمد
ياسمين " اوف بقى .. كده حنتأخر يا ماما ..ياحسناء بسرعة
حسناء " ممكن تهدى شوية.. خلاص انا بجهز الاولاد "
ماجدة " ما تسكتى بقى ..من صباحية ربنا ..وانتى بتستعجلى فينا وصدعتينا ..بس اعملى حسابك مش حنتاخر هناك علشان ابوكى وعمك حسن "
ياسمين بزعل "نعم .. يعنى ايه .. لا اتكلمى عن نفسك انتى وحسناء لكن انا لا .. انا حقضى اليوم كله مع محمد حبيبي .. ده واحشنى اوى ابقوا روحوا انتم ."
ماجدة "رجلك على رجلنا .. حنروح مع بعض ونرجع مع بعض ."
حسناء " يلا انا ولاولاد جهزنا .." وبالفعل غادرا
عند باب شقة احمد صالح تدق حسناء الباب وياسمين تقف بجانبها تستمع من خلف الباب وتقول " يا حبيبي انا سامعة صوته بيعيط .. يا ترى بيعمل فيه ايه ؟ انا مش مطمنة "
ولم تكمل كلامها حتى فتح احمد الباب وملابسه ملطخة باللون الاحمر ... خلفه يقف مصطفي وحالته لا تختلف كثيرا عن والده .. اما محمد الصغير فكان كل ملابسه ووجهه ايضا ملئ باللون الاحمر ...
وهنا صرخت ياسمين واقتربت تخطف محمد من بين يدين والده وتقول "ايه ده .. ايه الدم ده كله .. انت للدرجة دى متوحش .. ازاى تضربهم بالطريقة دى "
احمد بخجل "اهلا اتفضلوا انا اسف المنظر مش لطيف بس "
حسناء تقاطعه " لا احنا اللى متأسفين جدا جينا من غير ما نبلغك قبلها بس ياسمين هى السبب من الصبح وهى مستعجلة جدا وعايزة تشوف محمد "
ماجدة بضحك "شكلك حلو اوى كده .. وانت محتاس .. وايه الصلصلة دى كلها ؟"
احمد بضحك "بصراحة هو خليط من الصلصلة والمربي وطماطم .. بس مش دم والله " قالها وهو ينظر لياسمين
حسناء "متزعلش منها هى دايما متهورة كده "
احمد " انا حسيت انها جاية تقبض عليا .. المهم شرفتونا .. تحبوا تشربوا حاجة ؟"
ماجدة " لا تعال انت هنا جنبى ارتاح شوية يا ابو العيال .. والبنات حيعملوا كل حاجة "
حسناء " فعلا البيت عايز معجزة علشان يرجع زى الاول .. لازم نبدأ من دلوقتى
"احمد " لا يا جماعة ميصحش . انتم ضيوفى "
ماجدة " يا خويا اتنيل .. حد يطول ياخد اجازة من شغل البيت .. روح غير هدومك دى .. وتعال نقعد انا وانت نتكلم شوية وناخد بالنا من العيال عقبال ما البنات يحضروا لينا حاجة تتاكل ؟"
مصطفي ابن احمد بفرحة " هيه .. هيه .. هناكل .. واحشنىاوى اكلك يا طنط حسناء "
حسناء " من عنيا يا حبيبي تعالى ورينى المطبخ فين علشان نبدأ"ي
أنت تقرأ
ولا في الاحلام. حبك
Fanfictionكلا منا لديه احلامه الخاصة ... منها أحلام نعيش من أجل تحقيقها ويسعي جاهدا لذلك .... أو أحلام لا يستطيع تحقيقها ولكن لديه أمل في ذلك ... ولكن هناك في قلب كل بشر حلم ..هدف ... فقط يتنفس من اجل تحقيقه ولا يتخيل حياته من غير هذا الحلم ...وقد يكون ال...
