ولا في الاحلام ..حبك
الجزء الثانى
الفصل العاشر
محمد الحميعى باصرار " حسناء والين احفادى وانا حر فيهم مش حيتجوزوا شوية عيال زيكم .. انا لما اجوز احفادى اجوزهم لرجالة تحترم كلمتها ..ليهم كبير يقعد قدامى واتفق معاه علشان هى مش سايبة .. وانتو متستهلوش بنات بناتى ولا حتلمحوهم بعد كده ..ولا حتى حتشوفوا ديل فستانهم "
عمر بغيظ " ديل فستانهم ..ليه حضرتك مخلف فيران .. متقول كلام عدل يا عم انت " .
اشقر بجدية" وكل ده ليه يا جدو .. ومين دول اللى احسن مننا في نظرك ؟"
محمد الجميعى " اى حد ..غيرك انت والعيل اللى جانبك ده ..المهم انتم مالكوش بنات عندى للجواز "
وهنا مصطفي تكلم " عم محمد لو سمحت خلينى بس افهمك حاجة"
محمد الجميعى " مكانش العشم يا جوز بنتى .. بقي انا أديك احفادى امانة علشان تربيهم ..كده تقصر معاهم .. مكانش العشم .."وظل الجميع يحاول ارضاءه ..ومحاولة تغير قراره .
حسناء المنشاوى والين يبكون في الاعلى .والبنات يحاولون تهدئتهم .
اشقر وعمر مازال وافقين عند باب الفيلا معاقبيين وفى قمة غضبهم من قرار جدهم
مازن يقترب منهم ويقول لاشقر"اهدى يا اشقر ..الموضوع مش حيتحل كده ..جدك متعصب ولسة كان شايط فينا كلنا قبل وصولكم .. اهدى واحنا حنتصرف "
جميلة " يا بابا حرام عليك دول بيحبوا بعض اوى ..وشافوا كتير اوى ليه تفرق بينهم "
محمد الجميعى " ومن امتى واحنا عندنا الكلام ده يا جميلة يعنى ايه بيحبوا بعض .. الواحدة ما بتحبش الا جوزها وبس ولا انتى نسيتى اتربيتى على ايه لما اتجوزتى البيه (قالها وهو ينظر لمازن بغضب ) ونسيتى تربى بنتك تتعامل مع الاغراب ازاى ؟"
عمر يهمس لمازن " شكلك حتتعاقب معانا انت كمان "
مازن " اتعاقب ليه ماهى مراتى يا مغفل "
عمر " هههههه . وانت بتقولى انا ليه ؟ ما تروح تقوله هو ؟ مش شايف بيبص ليك ازاى "
ماجدة "يا محمد ..معلش العيال غلطت بس يا خويا جايين وطالبين منك حلال ربنا .. ليه ترفضه بقي ..يلا يا محمد اتكل على الله وفرحهم ..وفرحنا معاهم .كفاية نكد وهم .. مافيش احسن من توفيق راسين في الحلال ..وحياة سيدنا النبى ما تكسر بخاطرهم "
محمد الجميعى يزفر بغضب ويرد " اللهم صل عليك يا نبى "
عمر يصفق لها ويصفر ويقول" الله ينور عليكى يا ميجو ... والله العظيم انتى عسل .. الهى ربنا يوعدك بابن حلال يكون قمر زى كده احسن من الراجل المفترى ده "
مازن " ههههههههههه.. لم لسانك لاحسن هو مش ناقص توصية ..وعليك انت بالذات "
عم حسن " احنا ريقنا نشف معاك .. الكل بيراضي فيك ويتحايل عليك ..وانت ولا معبر حد خالص ..جرى ايه انا كمان ماليش خاطر عندك "
أنت تقرأ
ولا في الاحلام. حبك
Fanfictionكلا منا لديه احلامه الخاصة ... منها أحلام نعيش من أجل تحقيقها ويسعي جاهدا لذلك .... أو أحلام لا يستطيع تحقيقها ولكن لديه أمل في ذلك ... ولكن هناك في قلب كل بشر حلم ..هدف ... فقط يتنفس من اجل تحقيقه ولا يتخيل حياته من غير هذا الحلم ...وقد يكون ال...
