الحلقة الخاصة الثالثة
ولا في الاحلام حبك
عند حسناء ونجوان
سهيلة " اهلا يا حسناء ..اتفضلي" قالتها بترحيب وابتسامة
حسناء تحتضنها وتقول " ازيك يا سهيلة وحشتنى اوى ..ايه اخبارك؟"
سهيلة " الحمد لله ..بخير انتى عاملة ايه ؟"
حسناء بخجل منها " انا اسفة اوى على اللى حصل .. وعمرى ما تخيلت انى اجى هنا وانا في موقف زى ده "
سهيلة " انتى عرفتى ايه اللى حصل ؟"
حسناء " لا حبيت اسمع منها الاول . "
سهيلة امسكت بيديها وقالت " يبقي تعالى اسمعى منها بنفسك " وتحركا معا الى غرفة نجوان التى ما ان رأت حسناء هبت واقفة تستقبلها ولكن حسناء صدمت ما ان رأت وجهها فهى مصابة بجرح في راسها .
حسناء سلمت على نجوان وجلست دون كلام فقط متفاجئة مما رأت ثم بعد فترة قالت بصوت هادئ ملئ بالحسرة " هو اللى جرحك كده " قالتها وهى تشير على راس نجوان .
سهيلة " حسناء ..اسمعى الاول اللى حصل ..احكيلها يا نجوان "
نجوان تنفست بعمق ثم بدأت تسرد فيما حدث بينهم . فلاش باك
_______________
نجوان تعود من الخارج وتجد يحيي جالس في انتظارها
نجوان " يحيي ..انت رجعت "
يحيي بغضب مكتوم " انتى شايفة ايه ؟"
نجوان " غريبة ..رجعت المرة دى ..بدرى عن كل مرة "
يحيي بصرامة " كنتى فين يا هانم "
نجوان لاحظت غضبه فقالت بهدوء " ممكن تقعد وانا حفهمك بس لو سمحت اهدى "
يحيي وهو ممسك بيدها بعنف " اهدى ازاى ..ومراتى خرجت من غير اذنى وياعالم كانت فين ..ومع مين "
نجوان " يحيي انت واخد بالك بتقول ايه ؟ انت بتشك فيا "
يحيي " انتى اللى حطيتى نفسك في الوضع ده ..كنتى فين .وازاى تخرجى من غير اذنى ..كنتى مفكرة انى نايم على ودانى ومش حعرف زى كل مرة " كان يهزها بعنف .
نجوان بصوت اعلى وبنبرة حادة سحبت ذراعها من يده " انا عمرى ما خرجت قبل كده من غير ما اعرفك . بس انت بقالك اسبوع مش بترجع البيت مشغول وانا كنت مضطرة . وكنت ناوية اقول ليك اول ما ترجع "
يحيي باستهزاء " وايه اللى يخليكى مضطرة تنزلى من البيت من غير ما تعرفينى يا هانم "
نجوان " من غير استهزاء لو سمحت ..انا قرأت في الجرايد محتاجين اخصائية اجتماعية في مدرسة ..والمدرسة قريبة اوى من هنا ...والنهاردة كان اخر ميعاد لتقديم الاوراق .وانا محتاجة الوظيفة دى اوى "
أنت تقرأ
ولا في الاحلام. حبك
Fanfictionكلا منا لديه احلامه الخاصة ... منها أحلام نعيش من أجل تحقيقها ويسعي جاهدا لذلك .... أو أحلام لا يستطيع تحقيقها ولكن لديه أمل في ذلك ... ولكن هناك في قلب كل بشر حلم ..هدف ... فقط يتنفس من اجل تحقيقه ولا يتخيل حياته من غير هذا الحلم ...وقد يكون ال...
