ولا في الاحلام حبك
في بيت محمد الجميعي
ماجدة '' مع السلامة ..وخلو بالكم من نفسكم .. ياسمين عنيك علي اولاد اختك ..علشان ممكن تنشغل عنهم .''
حسناء '' ياماما ..أنا عايزها تغير جو ..مش انكد عليها .. لا متسمعيش كلامها يا ياسمين ...أنا. حعرف اتصرف ''
ياسمين '' علي فكرة بقي ..أنا أصلا رايحة علشان ألعب مع عيالك علي البحر ..متدخليش بينا .. يلا يا حبايب خالتو ''
محمد الجميعي ''مع السلامة... وابقو طمنونا ''
حسن يلاعب أحفاده ويودعهم ثم ينظر لحسناء '' متغيبوش عليا ...حتوحشوني..''
حسناء تقترب منه وتقبل راسه قائلة '' كان نفسي أخدكم كلكم معايا بس للاسف العدد اكتمل ..بس اعوضها ان شاء الله ..في رحلات تانية.. مع السلامة ..اوعي تنسي علاجك ''
-------------------------------
امام الجامعة ..اكتر من أتوبيس ممتليء بالطلاب وهيئة التدريس ..والمشرفين ...وانطلقت الرحلة ..
مصطفي .'' ها طمني عملت إيه امبارح''
ادم '' اسكت يا مصطفى... كان يوم طويل ..بس الحمد لله عدي علي خير ''
مصطفي '' الف مبروك ..والخطوبة امتي ان شاء الله..''
ادم '' لا احنا حنعمل فرح عالطول ..الشهر اللي جاي بامر الله ''
مصطفي '' عالطول كده''
ادم '' انا نسيت اقولك ...ابوها طلع يعرفني .ولما لاقانا موافقين هو كمان وافق ''
مصطفي '' يا مسهل الاحوال ... المرة دي متسهلة ليك يا عم ''
ادم '' تعرف ابوها مين ؟.. طلع دكتور يحيي هاشم ...اللي كان معانا في الكلية القديمة ....افتكرته''
مصطفي '' ايوه طبعا ..وده واحد يتنسي ... شخص محترم وطيب جدا ''
ادم '' ايوه والله ..في قمة الاحترام والطيبة ...انا فعلا صبرت ونولت ''
مصطفي '' والعروسة مش معترضة علي الجواز بسرعة ''
ادم '' يا ابني انا واختي كنا بنروح عندها في الشهر 2 او3مرات
..وانت عارف نجوي بقي اقل كشف ساعتين واكتر...احسب بقي في تسع شهور ...ههههه...انا وهي حفظنا بعض ''
مصطفي ..'' هههههه ...والله اختك دي احلي كوبري في الدنيا ''
وتحركوا بالفعل ...واذا يعلو صوت الاغاني بالاتوبيس ..لتسلية الركاب ...ولكن ما ان استمع مصطفي لاحدها ..شرد تماما
وكانت الاغنية تقول ''
-كان مالي باللي جرالي ..انا كان مالي
-لا كنت كده ولاكان ده حالي
-بسأل سؤال يا ليالي جاوبيني ..
أنت تقرأ
ولا في الاحلام. حبك
Fanfictionكلا منا لديه احلامه الخاصة ... منها أحلام نعيش من أجل تحقيقها ويسعي جاهدا لذلك .... أو أحلام لا يستطيع تحقيقها ولكن لديه أمل في ذلك ... ولكن هناك في قلب كل بشر حلم ..هدف ... فقط يتنفس من اجل تحقيقه ولا يتخيل حياته من غير هذا الحلم ...وقد يكون ال...
