زفاف مصطفى وروفيدا
في اكبر وافخم قاعات الاسكندرية المطلة على البحر المتوسط يقام زفاف الاحلام لروفيدا ..فقد عملت على تحضير كل شئ بنفسها واهتمت بادق واصغر التفاصيل ..ولما لا فهو حلم عمرها التى عاشت من اجله ...
فى منزل محمد الجميعى ..
ياسمين " يلا يا ماما ..كده حنتأخر علي الفرح ..بسرعة يا ماما "
ماجدة " اهدى يا سمسم شوية ..انتى عالطول مستعجلة كده "
حسناء بضحك " يا ماما من حقها ما هى ام العريس ..لازم توصل قبل كل المعازيم ..مبروك يا سمسمة ..وعقبال ما تفرحى باولادهم "
ياسمين " يارب يا سوسو يا حبيبتى ..يلا يا ماما بقي . احمد بقاله كتير واقف تحت بالعربية "
ماجدة " خلاص اهو ..لفيت الطرحة وكله تمام ..يلا يا حبايبى ربنا يديم فرحكم ..ويبارك ليكم في عيالكم "
حسناء وياسمين في صوت واحد " اللهم امين.. " ثم خرجوا معا واذا عند مرورهم من امام شقة ام فوزية ..فوزية تخرج وتنظر لهم بغيظ وحقد ثم تقول " وليكم نفس تفرحوا ..انتو مش بنى ادمين "
ياسمين بغيظ " ربنا بيدى الفرح للى يستحقه .. ربنا بيرزق الفرح للناس اللى قلوبها بيضا وطاهرة وتحب الخير لغيرها .مش لناس عايشة على جرح كل اللى حواليها حتى لو كانوا اقرب الناس ليها "
ماجدة " لا حول ولا قوة الا بالله ..ادخلى يا فوزية ..ربنا يكفينا شرك "
فوزية " انتى شمتانة فيا ..الهى اللى حصل لابنى يحصل لابنك في ليلة فرحه علشان تحسي باللى انا فيه "
ياسمين خرجت عن شعورها وظلت تصرخ في وجهها " بعد الشر ..بعد الشر .. ربنا يحفظ ابنى من عنيكى ..انتى حقودية ..انتى تستاهلى كل اللى يجرالك "
ماجدة " روحى يا شيخة منك لله ..منك لله ..ده كلام يتقال في يوم زى ده .منك لله يا فوزية يا بت تهانى "
ام فوزية خرجت من الداخل على اصواتهم وما ان رأت وجوه ماجدة وبناتها قالت " برده عملتى اللى فى دماغك ..ليه كده يا فوزية .ليه كده يا بنتى ..معلش يا ماجدة حقك عليا ..منها لله بنتى اللى مصغرانى قدامكم عالطول
حسناء " ياسمين ..اسبقونى انتى وماما على تحت ...يلا يا حبيبتى جوزك تحت مستنى " وبالفعل تحركت ممسكة بيد والدتها وكلا منها ينظران بعيون غاضبة الى فوزية .
حسناء تحركت خطوات لتقف امام فوزية وقالت بغضب مما قالته " تعرفي يا فوزية انتى صعابة عليا اوى ..بجد صعبانه عليا ..عمالة بتدمرى كل اللى بنتيه . قضيتى عمرك تربى اولادك وتكبريهم بحب وحنان واهتمام لحد ما بقوا انجح اولاد في الدنيا ..وفجاة دمرتى كل اللى عملتيه .. ربنا مسلط عليكى نفسك .ربنا يسامحك.ربنا يسامحك على اللى بتعمليه في ابنك ..ووالدتك وكمان نفسك .. خليكى فاكرة وفاهمة اللى حقولوه ده كويس . انتى أمهم تعبتى وربيتى بس مش انت اللى خلقتيهم علشان تتحكمى فيهم ..ده حتى ربنا اللى خلقنا خلقنا مش مجبرين ..عطانا فرصة الاختيار وكل واحد بيختار ويتحمل نتيجة اختياره ..وعلى فكرة ميرال بنت هايلة وكويسة جدا ..وكل الكلام اللى سمعتيه ده ..سمعتيه من انسانة شيطانة كانت بتنتقم منها علشان حبت ابنك واختارته وفضلته عن ابنها ..وانتى اللى بتنتقمى منها علشان اختارت ابنك ..هى خططت وانتى اللى بتنفذى مكانها .. والضحية هو ميرال وابنك هما اللى بيدفعو تمن غبائك ..ربنا يهديكى .. وينقذك من نفسك "
أنت تقرأ
ولا في الاحلام. حبك
Fanfictionكلا منا لديه احلامه الخاصة ... منها أحلام نعيش من أجل تحقيقها ويسعي جاهدا لذلك .... أو أحلام لا يستطيع تحقيقها ولكن لديه أمل في ذلك ... ولكن هناك في قلب كل بشر حلم ..هدف ... فقط يتنفس من اجل تحقيقه ولا يتخيل حياته من غير هذا الحلم ...وقد يكون ال...
