رواية ولا في الاحلام حبك
في بيت محمد الجميعي
جميلة '' ماما هوحاتم فين ''
ماجدة ''وطي صوتك ..لسة نايم الثانية دي ''
جميلة '' الحمد لله. ربنا ما يحرمني منك يا ست الكل ..لو تعرفي بيعمل فيا ايه كل يوم علشان ينام ''
ماجدة بضحك '' طبعا يا حبيبتي..امال عايزة يتقال ليكي يا ماما بالساهل كده....علشان تعرفوا انا تعبت فيكم قد ايه ...وكنت لوحدي مش زيك جوزك جايب ليكي دادة تساعدك''
جميلةبابتسامة واسعة '' مازن ده احلي حاجة في حياتي كلها ...ربنا ما يحرمني منه ''
ماجدة '' يا بكاشة انتي ...ربنا يسعدك يا رب وعقبال ما قلبي يطمن علي ياسمين وحسناء ''
جميلة '' فكرتيني ...تعرفي اشرف المحامي عايز يتجوز حسناء واكيد دلوقتي عند بابا وعمو حسن في المطبعة بيطلب ايديها''
ماجدة تتنهد وتقول بحزن '' بس هي حتوافق..لا طبعا زيه زي اللي قابله ..تعرفي من اسبوع كده جارنا استاذ عبد الرحمن جارنا اتقدم ليها ..وهي رفضت ..ومن ساعتها امه واخته مش سايبين اختك في حالها ..وبيقولوا عليها كلام مش كويس ..ولولا مش عايزة مشاكل كنت قولت لابوكي بس انتي عارفة بقي ابوكي حيعمل ايه لو سمع بالكلام ده ...يارب ابعد عن بناتي كل شر ''
جميلة '' معلش يا ماما ..حسناء اللي عاشته وشافته مش شوية ..علشان كده لازم تختار صح المرة دي .او تعيش لاولادها ..هي حرة في اختيارها ''
ماجدة '' ويرضي مين ده يا بنتي بس ..عايزة تحرم علي نفسها ..حلال ربنا ...وبعدين انتي مش شايفة بسام مش ممكن يأذيها تاني وانا وابوكي مش حنعيش ليكم العمر كله''
جميلة '' معلش ياماما ..ده قدرها وان شاء الله ربنا حيلطف بيها ويسعدها هي وياسمين ''
ماجدة بدموع '' كله كوم ..وياسمين دي كوم تاني خالص ...عالطول حزينة وساكته .ولولا ولادكم كانت زمانها لسة حابسة نفسها في اوضتها . بتفكر في اللي حصل معها ..منه لله جوزها ..جرحها وعقدها في الجواز كله .. ربنا يعوض عليها خير يا رب ''
---------------------------------------- عند اميرة وحسناء
اميرة '' قولي والله .. بركاتك يا ست انغام ... اعترفي بسرعة ..روحتي قولتي ليه ايه ...اظن بقي ركعتي قدامه واعتذرتي وطلبتيه للجواز ..مش كنتي اخدتيني معاكي علشان نتصور سليفي ''
حسناء بغضب '' ايه العبط ده ..اعتذر ايه واطلب مين للجواز ...استني كده ..عرفتي منين يا اميرة انه طلبني للجواز..''
اميرة بهمس'' اوبس ...ووقعتي في شر اعمالك يا ميرو ''
ثم تكلمت بتردد'' اصل ... بصراحة ..انا كنت بتسمع عليكم من ورا الباب لما دخل عليكي يوم خناقة بسام ..واول ما طلب يتجوزك ..كنت حرن زغروتة كل الكلية تسمعها ...بس للاسف نزلتي فوق دماغه بكلام زي الزفت لحد ما الجدع مشي ...والله حرام عليكي ... صعب عليا اوي ''
أنت تقرأ
ولا في الاحلام. حبك
Fanfictionكلا منا لديه احلامه الخاصة ... منها أحلام نعيش من أجل تحقيقها ويسعي جاهدا لذلك .... أو أحلام لا يستطيع تحقيقها ولكن لديه أمل في ذلك ... ولكن هناك في قلب كل بشر حلم ..هدف ... فقط يتنفس من اجل تحقيقه ولا يتخيل حياته من غير هذا الحلم ...وقد يكون ال...
