,ولا في الاحلام .. حبك
بعد الحادث ب9شهور فى منزل محمد الجيعي
ماجدة "انا ماشية بقي يا محمد عايز حاجة ..."
محمد "لا .. بس متتأخريش .. "
ماجدة "بدل ما تقعد لوحدك هنا ..ما تيجى معايا عند بنتك حسناء شوية واهو تقعد مع مصطفي وتخفف عنه شويه "
محمد " شوية وحسن حيصحي من النوم حاخده ونلف شوية ندور علي شغل كفاية قعدة بقي من يوم حريق المطبعة واحنا قاعدين من غير شغل "
ماجدة "حسبى الله ونعم الوكيل .. منه لله اللى كان السبب ... منه لله اللى كان السبب ..الهى ما تورد علي جنة يا بسام "
محمد "اذكروا محاسن موتاكم .. الله يرحمه ويسامحه بقي ويقويك يا حسن علي انت فيه يلا انتي وابقي روحي وارجعي بسرعة ويا ريت تيجيبي ياسمين معاكي ..كفاية كده قعدة هناك "
ماجدة" ان شاء الله .. وخالوا بالكم من نفسكم .. وابقي افطر قبل ما تمشي ..كل حاجة جاهزة في المطبخ "
________________
عند مصطفي وحسناء
يستيقظ الجميع في الصباح علي صوت بكاء طفل حسناء تهب مسرعة وتتجه لغرفة الاطفال التي تشمل اشقر ومصطفي (ابن اسراء اخت مصطفي ) نائمين علي سرير .وعلي سرير اخر ينام ألين بجانب خالتها ياسمين ومحمد (الطفل الصغير ابن اسراء الاخر ).والتوأم الصغرين نسمة ويحيي نائمين علي سريرين صغرين..
حسناء تدخل الغرفة فاذا بنسمة تبكي فتسرع وتحملها ولكن سرعان ما يبكي محمد الصغير هو الاخر استيقظت ياسمين وما كادت ان تحمله حتى وجدت مصطفي يدخل الغرفة ويسرع ويحمله يحاول ان يهدئه ولكنه يفشل ..
فتقترب منه ياسمين وتقول " عنك يا مصطفي .. هاته انا حعرف اسكته"مصطفى يعطيها الطفل ويخرج من الغرفة تماما ...
ثم حسناء تلحق به بعد فترة تدخل غرفتها تجده جالس على الارض مسندا رأسه على الحائط مغمض العينين .. فاذا بها تجلس بجواره وتضع يديها على كتفه وتقول " الله يرحمها يا مصطفي .. الله يرحمها .. هى دلوقتى فى مكان أحسن .. والحمد لله أولادها عايشين معانا .. ودايما حتفضل موجودة بينا كل ما نشوفهم .. بس انت لازم تكون اقوى من كده .. علشان صحتك انت لسة تعبان "
مصطفي ينظر لها ثم يتنهد ويقول وعيناه مليئة بالدموع " ماتت قدام عيني ..مقدرتش أحميها ...هى وجوزها أتأذوا بسببي .. كان لازم انا اللى أنقذها مش هى .. مش هي يا حسناء كل ما اسمع ابنها بيعيط احسن انى انا السبب في حزنه ويتمه .. "
حسناء بدموع تقترب منه وتنظر في عينيه وتقول " اسراء ماتت وانت في الغيبوية ... يعني ماتت قبل ما انت تفوق .. ولما حصل ليك مضاعفات قوية .. كان لازم حد يتبرع ليك بكليته ضرورى .. والدكاترة هما اللى اقترحوا علينا بكده وكان لازم نوافق علشانك .. لو حصل ليك المضاعفات دى بعد دفنها .. كان ممكن جرى ليك حاجة وخسرناك انت كمان .. بس قدر الله وما شاء فعل .. " قالت جملتها ثم أحتضنته بشدة ..
أنت تقرأ
ولا في الاحلام. حبك
Fanfictionكلا منا لديه احلامه الخاصة ... منها أحلام نعيش من أجل تحقيقها ويسعي جاهدا لذلك .... أو أحلام لا يستطيع تحقيقها ولكن لديه أمل في ذلك ... ولكن هناك في قلب كل بشر حلم ..هدف ... فقط يتنفس من اجل تحقيقه ولا يتخيل حياته من غير هذا الحلم ...وقد يكون ال...
