ولا في الاحلام. حبك

الجزء 24

ولا في الاحلام ..حبك

بقلم ..سيمو خالد

مر ايام بعد ولادة حسناء ..ومن ثم توفت والدة اميرة ...وانتقلت للعيش في بيت محمد الجميعي ..

وبعد ثلاث شهور تسافر الي زوجها ..وها هي تودع الجميع للتجه للمطار

عند اشقر وعمر

اشقر '' لا طبعا ...انا عمري ماعمل كده ''

عمر '' لا حتعمل علشان انت صاحبي ..وماليش غيرك اعتمد عليه ... بص بقي الواد كيمو ..عليه 5بليات من الشهر اللي فات ..تاخدهم سابعة .... والواد شيكو عليه 15 جنيه رهان البلاي استيشن برده تاخدهم وتقوله مش عمر الجمال اللي يتاكل منه فلوس ..وتشيلهم معاك لحد ما ارجع .

اشقر ينظر له بغصب ولا يرد

ثم يكمل عمر كلامه '' اه. .. ولما تخلص الاجازة ..وترجع للمدرسة ..تبلغ كل اصحابنا ان جدتي اتوفت ..واني حستناهم يعزوني ..انا بفتح فيس من 5 الي 7 .. وواتس .من 7 الي 9 ماشي ''

وهنا تدخل عليهم ياسمين بضحك وتقول ''' ههههههههههه.. بذمتك دي طريقة كلام طفل في ابتدائي.. بس اتوقع ايه من ابن اميرة .. والله حيوحشني لسانك الطويل ده يا عموري يا حبيبي .. بقولك ايه متتجوزيني وتقعد معانا هنا احسن ''

عمر يغمز لها ويقول '' بصراحة انتي موزة اوي ..بس يا خسارة انا مرتبط ... بس لو فركشت معاها ..حتبقي اول واحدة اظبط معاها ماشي يا سمسم ..'' ثم يقبلها ويجري للخارج خلف اشقر ..

------------------------------------------------

عند اميرة. التي تجهز نفسها للسفر..

ياسمين تدخل وهي تضحك وتقول '' ده انتي جيناتك قوية اوي ..يا اميرة ... ابنك ده رهيب ...خالي بالك منه ومن نفسك ...وبراحة علي جوزك شوية ..انا مش عارفة حيستحملكم ازاي ''

اميرة '' لا عادي هو اتعود ..وبعدين انا ناوية اخاوي عمر باخ او اخت حلوة كده ..فناوية اعقل الفترة اللي جاية شوية''

جميلة '' هههههههه.. غيرتي رايك بسرعة كده .. مش قولتي مش ناوية اخلف تاني ''

اميرة '' اعمل ايه بس يا اختي ...خايفة علي احمد ليبص برة ..عايزة اربطه جنبي ''

ياسمين بضحك '' واخيرا يا اميرة ..بتغيري علي احمد ..وكمان بتشكي فيه ''

اميرة '' اعمل ايه شوفته بعيني محدش قالي ''

جميله بفضول '' شوفتي ايه ''

اميرة بجدية '' بيبصص لام فتحي ... وكل ما يكلمني يسال عليها ويبقي عايز يكلمها ...ويقولي اصلها بتفكرني بأمي ..عايزني ابقي كوبري بينهم ''

جميلة '' هههههههههه ام فتحي ..ده زوقه وحش اوي ''

اميرة '' لا وكمان بيجيب ليها هدايا ... تعرفي اشتري ليها هاند فيري لاسلكي علشان تعرف تسمع التليفزيون ...وهي بقي من يوم ما اشتراها ليها تشغل التليفزيون علي الأغاني وتضحك ..وتهز ايديها ..تقوليش هيفاء وهبي ..في عزها