رواية ولا في الاحلام حبك
الجزء الثانى
الفصل التاسع
عند حسناء واشقر
حسناء تتحرك ناحية الباب وقالت دون ان تنظر له " يا ريت تنسي كل حاجة كانت بينا ..مش حينفع نكون اصحاب ..خلينا نكون قرايب وياريت قرايب من بعيد لا تجمعنا صدف ولا مناسبات "ثم تحركت ببطى للباب تنتظر من اشقر ان يلفظ اسمها او يستوقفها ولكن صمت يملئ المكان فاذا بها تدمع عيناها وتهم بالخروج
ولكن الباب لا يفتح انه مغلق وهنا اقترب منها اشقر ويجعلها تلتفت له ويقول وهو يمسح دموعها " ولما انتى خلاص اخذتى قرارك ومش عايزانى .. ليه بتخبى دموعك عنى ..خايفة لاشوف حبك ليا "
حسناء "ايوه .. لان حبى ليك ضعف .. اضعفنى اوى وكسرنى وتعبت اوى منه .. انا مش مستعدة اخسر من كرامتى وانزل من قيمتى اكتر من كده "
اشقر احتضانها بالقوة وسط محاولات كثيرة منها للابتعاد عنه ويقول "فعلا .. حبنا ضعف .. وده السبب اللى خلانى اخبى عليكى ..خفت لما تعرفي تبعدى عنى وتسيبنى زى ما بتعملى دلوقتى ..وحتى لما عرفتى خفت اواجهك علشان ما اشوفش في عنيكى الالم اللى بتعشيه .. .. واللى انا حاسس بيه دلوقتى اضعاف المك .. لانى انا السبب فيه .يا حسناء انتى الوحيدة اللى بلاقي نفسي معاها .. انتى اللي بتقدرى تخرجينى من كل الهموم والمسئوليات والضغوط اللى محوطانى .. بتخلينى اعيش اسعد لحظات لقلبي وبس "
حسناء ابتعدت عنه وقالت " واضح جدا انى مهمة في حياتك بدليل اللى عملته .. يا اشقر انا ماليش اى قيمة عندك . "
اشقر " انتى قيمتك عندى ميوصفهاش كلام .. انتى عندى اغلى من عنيا .. .انتى بصيرتى اللى بشوف بيها كل حاجة حلوة .انتى اغلى كمان من قلبى انتى دقاقته اللى لو وقفت لحظة حياتى تقف وتنتهى " ثم اقترب منها يقبلها بحب في عينينها ..ثم اقترب اكثر وقبل اسفل عنقها ( مكان نبض القلب ).
حسناء " انت ليه متجوزها لحد دلوقتى ؟"
اشقر يمسك بيديها ويجلسا على اقرب اريكة ويقول " انا حفهمك اللى حصل ... ميرال كنا ممكن نخطفها من هناك بس مكناش حنعرف نخرجها من انجلترا بحالتها دى ولا كمان ندخلها بسهولة مصر ..علشان كده استاذ اشرف اقترح فكرة الجواز وفعلا انا ومامتها طنط امنية اللى مضينا على الورق .. ورق الجواز والطلاق ..واتسجلت ورقة الجواز في السفارة بس الطلاق متسجلتش ..واول ما تتعافي وتعدى مرحلة الانتكاسة .. استاذ اشرف حيسجل ورقة الطلاق اللى اصلا ميرال ماوقعتش عليها .. الموضوع كله على ورق ...شوفتى بقي الحكاية سهلةومفهومة ..انتى بس اللى مكبراها شوية "
حسناء بغيظ" انا مكبراها ... انت ليه مش حاسس ببشاعة اللى انت عملته .. انت دلوقتى متجوز وخاطب اتنين في نفس الوقت ..وبكل برود بتقول الموضوع سهل .. هارون الرشيدى سيادتك "
أنت تقرأ
ولا في الاحلام. حبك
Fanficكلا منا لديه احلامه الخاصة ... منها أحلام نعيش من أجل تحقيقها ويسعي جاهدا لذلك .... أو أحلام لا يستطيع تحقيقها ولكن لديه أمل في ذلك ... ولكن هناك في قلب كل بشر حلم ..هدف ... فقط يتنفس من اجل تحقيقه ولا يتخيل حياته من غير هذا الحلم ...وقد يكون ال...
