ولا في الاحلام ..حبك
في شركة الأشقر
مازن.. '' كل حاجة كده جاهزة.. بس نمضي العقود ''
حاتم.. '' أيوة وانا حسافر الشهر اللي جاي علشان أمضيها''
مازن.. '' ها إيه أخبار البيت دلوقتي ؟"
حاتم '' زي ما هي.. ماما ناهد بتتحسن بس ممنوع عنها الإجهاد او التوتر ''
مازن بضيق '' وحيفضل هنا لحد امتي ''
حاتم '' مش عارف.. بس انا لازم أعرف هو ناوي علي إيه ؟"
مازن '' اكيد راجع يسرق فلوس تاني ''
حاتم '' لا شكل الحكاية أكبر من كده بكتير ''
مازن باستفهام'' تقصد إيه ''
حاتم '' بسام لما هرب بالفلوس من هنا كان فعلا بسبب بنت أتعرف عليها وهي بقي أساس المشكلة... عرفته على ناس تجارتها مشبوهة.. طمعوه وفهموه ان مكسب التجارة معاهم مليارات... وفعلا كسب فلوس كتير اوي
...بس الغبي كان لازم يعرف زي المكسب ما كان كبير اوي الخسارة كمان كبيرة اوي اوي... حاول يعوضها بس الخسارة زادت.. والناس دي متعرفش الهزار.. ادبوه.. وضربوه وكانوا حيقتلوه بس بسام هرب ونزل على مصر.. ''
مازن'' يعني كان بيكدب علينا ''
حاتم '' المشكلة بقي هو انه مفكر انه كده هرب منهم.. لكن اللي يدخل الدايرة دي عمره ما يخرج منها ابدا ''
مازن '' وانا عرفت كل ده ازاي''
حاتم '' عيب يا مازن.. انا حاتم الاشقر.. وليا عيون في كل مكان ''
مازن '' محاولتش تساعده''
حاتم '' يا مازن بسام.. دخل جحر تعابين مسمومة.. وبقي واحد منهم.. اي حد يحاول يساعده ...ليكون تعبان زيهم.. يا اما يموت .''
مازن '' وناوي علي إيه ؟"
حاتم.. '' متقلقش..... عامل حسابي كويس.. ''
يرن جرس التليفون '' ايوه ... مين...طب دخليها ''
ويفتح الباب وما ان دخلت اذا بمازن يقف مصدوما ويقول'' سهي''
حاتم ببرود'' سهي هانم اتفضلي ''
سهي بهدوء '' اهلا... انا كنت عايزة اتكلم معاك علي انفراد''
حاتم دون ان ينظر لها '' مازن مش غريب .. ويعرف عني كل حاجة.... وعلشان اوفر وقتك ووقتي .. انا مش موافق علي الصفقة اللي عرضتيها عليا المرة اللي فاتت''
سهي '' صفقة ... انا .. حاتم ..انت لسة مش مصدق اني ...''
حاتم بغضب يقف ويطيح بالاوراق التي امامه ويصرخ في وجهها .''انك ايه ....انك ايه يا سهي ... انك حامل تاني من واحد غيري ..وجاية تلبسيها فيا ..بدموع وشوية كلام حب ...ولا مفكراني لسة حاتم الطيب الغلبان اللي بتأثر بدموعك وكلامك ..لا اصحي يا سهي ..انا دلوقتي حاتم حسن الاشقر ..اكبر رجل اعمال.. و اللي التجارة علمته يعرف يتعامل ازاي مع اشكالك''
أنت تقرأ
ولا في الاحلام. حبك
Fanfictionكلا منا لديه احلامه الخاصة ... منها أحلام نعيش من أجل تحقيقها ويسعي جاهدا لذلك .... أو أحلام لا يستطيع تحقيقها ولكن لديه أمل في ذلك ... ولكن هناك في قلب كل بشر حلم ..هدف ... فقط يتنفس من اجل تحقيقه ولا يتخيل حياته من غير هذا الحلم ...وقد يكون ال...
