رواية ولا فى الاحلام ...حبك
جالسة ياسمين شاردة تضحك .. لا تنتبه لوالدتها التى تقف بالقرب منها ياسمين تتذكر كيف طلب احمد منها الزواج ..
"فلاش باك "
دخل بكرى وولده واحمد للجلوس مرة اخرى بالداخل بعد حديثهم مع البواب .
وما ان حاول عوض التحدث اذا بوالده يضربه على وجهه ضربة قوية تصمته
ثم ينظر لاحمد ويقول "ربنا يسعدك يا ولدى .. ويرضى عليك ويعوضك خير .. متقلقش محدش حيخصبك على بيع ارضك طول ما انا عايش .. وحزرعها كيف ما بزرع ارضى ولو جرى ليا حاجة خد (يعطيه ورقة فيها مبايعة منه لارض والده ) ده حقك يا ولدى العيلة كلها عارفه اكده .. ودلوقتى بقيت باسمك قانونى ومحدش يقدر يهددك تانى .. انا جيت من الصعيد مخصوص عشان اطمن عليك واسلمك الامانة دى قدام ولدى عوض اللى حيبقي الكبير من بعدى عشان يتعلم رد الحق لاصحابه .. وكمان مايقولش كلمة الا لما يتأكد منها .. ولو احتجت اى حاجة دوار عمك مفتوحة ليك طول العمر .حنروح احنا علشان نلحق القطر "
احمد " لسة بدرى يا عمى .. ارتاح شوية من تعب السفر ."
بكرى " لا يا ولدى احنا فى موسم حصاد ولازم اكون فى الارض وسط العمال .."
وهنا خرجت ياسمين تقول بابتسامة " اتفضلوا اشربوا حاجة "قالتها وهى تضع بعض المشروبات امامهم .
بكرى " تسلمى يا بتى .. "ثم جلس يتناول المشروب يتكلم مع احمد ثم به يسأل عن اولاده .
فتخرج ياسمين مرة اخرى وتمسك بالاولاد وتقول "سلم على جدو يا مصطفى .. اتفضل يا عمو ده بقى محمد "بكرى يقبل الطفلين ويعطيهم قدر كبير من المال في يديهم
ثم يقول " فربى انت كمان يا بتى .. خدى دى نقطتك ..دى عوايدنا خوديها "
ياسمين بالفعل تاخذها وتقبل يده وتقول بابتسامة " شكرا اوى يا عمو "
بكرى " يا زين ما اخترت يا ولدى .. زينة .. ومتربية "احمد ظل ينظر بعدم فهم لياسمين ..
ثم اتبع عمه الذى خرج ليوصله وما ان عاد الى منزله واقترب من ياسمين يجدها تضحك وتقول " انا اسفة اوى .. بس صوتكم كان عالى وسمعت كل حاجة انا اول مرة فى حياتى اقابل واحد صعيدى .. بجد زى اللى بشوفهم فى المسلسلات طيب اوى .وتحس انه عاقل وفعلا كبير عيلة ..عكس اللى معاه ده تحس انه حيوان كده "
احمدبضحك " ههههه ,, هو حيوان فعلا .. يحب الأذية اوى .. انا اسف علشان قولت انك مراتى بس ماكنش ينفع اقول غير كده "
ياسمين " متقلقش انا فاهمة قصدك .. انا دلوقتى فهمت ليه ماما وبابا كانوا بيصروا يجيوا معانا انا وحسناء لزيارتك .. والنهاردة والله ماما وحسناء كانوا معايا بس بابا اتصل بحسناء علشان نهى مسافرة ولازم يسلموا عليها .. انا كمان اسفة علشان اتحطيت فى الموقف ده بسببى .. اتفضل بقي الفلوس دى .. هما كتير اوى ليه كده ؟"
أنت تقرأ
ولا في الاحلام. حبك
Fanfictionكلا منا لديه احلامه الخاصة ... منها أحلام نعيش من أجل تحقيقها ويسعي جاهدا لذلك .... أو أحلام لا يستطيع تحقيقها ولكن لديه أمل في ذلك ... ولكن هناك في قلب كل بشر حلم ..هدف ... فقط يتنفس من اجل تحقيقه ولا يتخيل حياته من غير هذا الحلم ...وقد يكون ال...
