رواية ولا في الاحلام ...حبك
الجزء الثانى
الفصل الثانى والعشرون
في شركة الاشقر
يحيي يدخل بسعادة ودون ان يطرق الباب .. ويقترب من اخيه قائلا "صباح الخير يا اشقر باشا "
اشقر بضحك " اهلا .. نورتنا يا يحيي باشا .. لسة فاكر ان ليك اخ .. فينك من زمان "
يحيي " عارف انك زعلان .. بس والله انا كنت مختفي الفترة اللى فاتت علشانك انت .. بس عالله يطمر فيك .. ده انا حتى مشبعتش من خطيبتى بسببك "
اشقر يترك ما بيده من اوراق وينظر له ويقول " خير ؟؟"
يحيي بثقة " انا الخير كله معايا في ايدى .. " ثم اخرج من جيبه ورقة وظل يلوح بها امام اشقر .
اشقر بلا مبالاة " وايه ده بقي ؟"
يحيي " ده الخلاصة .. ده اللى حينقذك .ويرجع ليك هيبتك في السوق .. ده المسمار اللى حيثبت رجلك من تانى . ده السلم اللى حتطلع عليه من تانى علشان تبقي فوق ..فوق " يحيي كان يتكلم بسعادة وثقة .ويمثل كل كلمة .
اشقر " ههههههه . شكلك رابق وفاضي على الصبح ..انا بقي عندى شغل قد الجبل . فلو عايز تستظرف ..روح لعمر في مكتبه . هو بيحف السخافة وبيعرف يحل الالغاز احسن منى ..وسيبنى في حالى "
يحيي "سخافة .. تعرف لولا انك اخويا ومن زمان ..كنت حبستك على الكلام اللى انت قولته ده . بس انت حبيبي برده اتفضل اقرأ "اشقر في البداية كان لا يهتم الا انه في ثوانى تغيرت ملامحه واصبح لا يصدق .
يحيي " ههههههههههههه .. قولتلك دى الخلاصة .. علشان تعرف ان انا اللى بجيب من الاخر .. "
اشقر " انت جبت دى منين ؟ .. وفين الاصل ؟"
يحيي " الاصل لسة في المديرية .. بس انا مقدرتش استنى اتصرفت في نسخة منها علشان اخبرك بنفسي تعرف انا ممكن اتحبس علشان سرقت ورق من مكتب مديرى بس يلا .كله علشانك عالله تقدر المخاطرة اللى بعملها علشانك."
اشقر " ههههههههههههه . يا بنى كفاية ذل بقي .. انت من ساعة ما دخلت عليا بتذل فيا .. فهمنى بقي ايه اللى حصل بالظبط "
يحيي بتكبر يقرب منه يده ويقول " بوس الاول ..علشان تنول الرضا .."
اشقر بجدية وتحذير ينظر له .
يحيي يعتدل في جلسته " خلاص .. انت عالطول جد كده .. بص بقي .ماجد الصياد مجرم دولى .. ليه في كل حاجة . غسيل اموال ..مخدرات .. سلاح.. واكتر كمان اى حاجة مشبوهة . وكمان ليه في اكتر من بلد شركة واتنين علشان دى الستارة اللى بيدارى بيها كل تجارته المشبوهة . ولما جه مصر .بدأنا نراقب حركاته .. بس لما اخد كل شركاتك انت كمان اتحطيت في الصورة .. بس متقلقش اخوك اسد . قولت لهم اخويا خط احمر .. راحوا اعفوا عنك عالطول .. انت اخو الباشا "
أنت تقرأ
ولا في الاحلام. حبك
Fanfictionكلا منا لديه احلامه الخاصة ... منها أحلام نعيش من أجل تحقيقها ويسعي جاهدا لذلك .... أو أحلام لا يستطيع تحقيقها ولكن لديه أمل في ذلك ... ولكن هناك في قلب كل بشر حلم ..هدف ... فقط يتنفس من اجل تحقيقه ولا يتخيل حياته من غير هذا الحلم ...وقد يكون ال...
