رواية ولا في الاحلام ..حبك
الجزء الثانى
الفصل الواحد والعشرون
بعد اسبوع. في احد المستشفيات
اشقر " صدقنى يا عمى .حاتم كويس .احنا مش بنكدب ."
جميلة ببكاء وانهيار " لا .. ابنى مش كويس ..ابنى مش حاسس بينا .ولا فتح عنيه ... حاتم بيموت "
محمد الجميعى " لا اله الا الله .. لا اله الا الله .. لطفك بينا يا رب"
مازن بغضب " انا عايز اتكلم مع الدكتور .. فين الدكتور "
مصطفي " اهدى .ان شاء الله حيبقي كويس ..ويقوم بالسلامة المهم بلاش تتعصب انت لسة تعبان "
ماجدة " يارب .. يار ب يقوم بالسلامة ..ايه اللى حصل لاولادكم يا بناتى ..واحد وخسر كل شقاه.. والتانى بين الحياة والموت ..يا رب احفظهم من كل شر ."
نسمة جالسة في ذهول لا تتكلم فقط دموعها تسيل في صمت سلمى بجانبها محتضناها تهون عليها
.اميرة بببكاء تسأل حسناء " كل ده حصل ازاى ؟"
حسناء الجميعى " .حاتم كان في عملية مع فريقه .واتعرضو لهجوم .. كلهم اتصابوا ده غير اللى استشهدوا .. ربنا يقومه بالسلامة يا رب "
اميرة " والدكتور طمنكوا عليه ؟"
حسناء " كل اللى قاله .ان عمليته نجحت .. وممنوع عنه الزيارة"
مازن " ده ابنى .. انا عايز افهم حالته ايه ؟انتوا ليه مش عايزينى اقابل الدكتور ؟" كان يكلم في قمة غضبه
اشقر " خلاص يلا الدكتور مستنينا .. اتفضل. بس اهدى "
الدكتور ممسك بالاشعة ويشرح لهم حالة حاتم " الرائد حاتم انصاب ب5 طلقات نارية ..2 منهم في العمود الفقرى .و3 في منطقة الحوض . والحمد لله خرجناهم كلهم . بس مش حيقدر يمشى لفترة مؤقته . حيحتاج بعد ما يخرج من المستشفى لعلاج طبيعي لمدة 6 شهور سنة على الاقل .. والحمد لله هو عدى مرحلة الخطر مافيش اى خطورة على حياته دلوقتى"
اشقر " اتاكدت بنفسك .. عرفت اننا مش بنكدب ..الحمد لله الموضوع وقت مش اكتر "
مازن ينظر للدكتور وبجدية " ده كل حاجة . ولا مخبي عننا حاجة تانية ..علشان يفضل عندكم هنا ومنخرجوش من عندكم .. قول كل حاجة وبضوح لان لو ابنى جرى ليه حاجة .انا مش حقفل المستشفي بس .. انا حقتلك واقتل كل اللى بيشتغلوا هنا ..سامعنى " مازن فقد سيطرته على نفسه وتعصب لاقصي حد.
الدكتور " ابنك هنا من اسبوع ..واحنا الحمدلله انقذنا حياته . انا مش ببالغ ابنك لو مكانش حراج شاطر اللى عمله العملية .صدقنى كان عمره ما حيقف على رجله تانى ..وعلى العموم ده تقرير اولى عن الحالة ..وفي اى وقت حابب تخرجه من هنا احنا مستعدين بس على مسئوليتك الشخصية ..لانه لسة في العناية المركزة ."
أنت تقرأ
ولا في الاحلام. حبك
Fanficكلا منا لديه احلامه الخاصة ... منها أحلام نعيش من أجل تحقيقها ويسعي جاهدا لذلك .... أو أحلام لا يستطيع تحقيقها ولكن لديه أمل في ذلك ... ولكن هناك في قلب كل بشر حلم ..هدف ... فقط يتنفس من اجل تحقيقه ولا يتخيل حياته من غير هذا الحلم ...وقد يكون ال...
