الحلقة الخاصة الرابعة
ولا في الاحلام حبك
فى المستشفى الجميع يقف على باب غرفة العمليات ينتظرون خروج الدكتورة للاطمئنان على حسناء المنشاوى
.وما ان فتح باب غرفة العمليات تدافع الجميع عليها اشقر " خير ... ايه الاخبار يا نهلة ؟"
نهلة ( دكتورة امراض نساء وتوليد ..المسئولة عن حالة حسناء وصديقتها المقربة .تمتاز بانها شخصية اجتماعية ومحبوبة ومقربة جدا من جميع افراد عائلة الاشقر ) تنزل من على وجهها الكمامة وتقول بابتسامتها الدائمة التى لا تفارق وجهها " خير يا جماعة ..مالكم قلقانيين كده ليه ؟ هى اول ولاده ليها "
جميلة "بنتى عاملة ايه يا نهلة ..حسناء كانت تعبانة اوى "
مازن بقلق " هي فين..مخرجتش ليه لحد دلوقتى ... "
نهلة " اهدو شوية عليا ..انتو بتحققوا معايا ..على العموم اطمنوا حسناء كويسة وبخير وثوانى حننقلها لاوضة خاصة بيها تقدروا كلكم تطمنوا عليها.
نسمة كانت حاملة مازن الصغير ( ابن اشقر وحسناء )" والبيبى فين يا نهلة .. وعامل ايه؟"
نهلة اقتربت تلاعب الصغير ثم قبلته قائلة " جابت ليك اخ زى القمر شبهك كده يا مزاميزو ... ثم وجهت نظرها لنسمة " بس هو ضعيف شوية فدكتور الاطفال اخده للحضانة "
اشقر بقلق "ابنى جرى ليه حاجة ؟"
حاتم " الولد راح الحضانة ليه ؟ ماتنطقي يا بنتى "
نهلة " من شوية كنت دكتورة .. ودلوقتى بقيت بنتك ... ايه حكاية جوزك ده يا ست نسمة ...والله العظيم البيبي ومامته زى الفل ..بس حسناء ولدت بدرى عن ميعادها اسبوعين كاملين ..فطبيعى يدخل الحضانة ..عايزين تشوفوه هو فوق في قسم الاطفال"
حاتم " وده في الدور الكام ؟"
نهلة " الدور الخامس ..تانى طرقة يمين ... حتلاقيه في الحضانة عمال بيوأوأ ..ويقول انا جعان ..انا زعلان نزلتونى بدرى ليه .. ايه بقي فكوها شوية ..مالكم متشأمين ليه كده ؟ " ابتسم جميع الحاضرين وبدأ عليهم الاطمئنان .
اشقر وحاتم صعدوا الى الاعلى للاطمئنان على الطفل .ونهلة وقفت مع نسمة وجميلة تتحدث معهم وما هى الا ثوان وتأتى حسناء ووالديها .
مازن ابتعد يمسك بيد محمد الجميعى الذى كان يمشى بتعب واجلسه على اقرب كرسي حسناء تسبق بخطوات مسرعة وتقول بقلق " ها يا جماعة ولدت ولا لسة ..وهى عاملة ايه ؟ (وما ان رأت نهلة قالت " طمنينى يا نهلة "
نهلة " اهلا يا طنط .. ممكن تاخدى نفسك بس ..متقلقيش الحمد لله ولدت وبخير هى وابنها ."
حسناء بارتياح " الحمدلله الحمد لله رب العالمين متشكرة جدا يا نهلة ..دايما بنتعبك معانا .."
أنت تقرأ
ولا في الاحلام. حبك
Fanfictionكلا منا لديه احلامه الخاصة ... منها أحلام نعيش من أجل تحقيقها ويسعي جاهدا لذلك .... أو أحلام لا يستطيع تحقيقها ولكن لديه أمل في ذلك ... ولكن هناك في قلب كل بشر حلم ..هدف ... فقط يتنفس من اجل تحقيقه ولا يتخيل حياته من غير هذا الحلم ...وقد يكون ال...
