رواية ولا في الاحلام ...حبك
الجزء التانى
الفصل السادس والعشرون
بعد ايام عند ياسمين واحمد (فلاش باك )
احمد ينظر لمصطفي بغضب ويقول " انا عايز افهم كل حاجة ..ازاى تفكر ترتبط من غير ما تقولى ..وكمان تتقدم من غير ما تاخد رأيي ..دى مهزلة "
مصطفي " يا بابا انا معملتش كده ومستحيل افكر بالطريقة دى ؟"
احمد " امال ايه الكلام اللى سمعته بره ده ؟"
ياسمين تدخل الغرفة وتقف بين الاثنين مدافعة عن مصطفي " مصطفي ميعرفش حاجة ..انا وجميلة كنا ملاحظين حب الاولاد لبعض .وجميلة فتحت الموضوع لجوزها وهو وافق .انا كنت عايزة افرح ابنى "
احمد بجدية وغضب شديد" تخطبى لابنى من ورايا "
ياسمين " انا كنت بمهد الطريق ليه بس .انا كنت عايزه اسعده واطمنه لانه ماكنش واثق من موافقة مازن على الجواز."
احمد " وانا فين .. رأيي مش مهم ..مبقاش ليا قيمة في حياة اولادى ..حتى في اهم قرارات حياتهم .."
ياسمين " انا كنت كل اللى بفكر فيه وقتها سعادة ابنى وازاى اساعده ..اهم حاجة سعادته "
احمد " ده مش ابنك ..دول مش اولادك ..دول اولادى انا ..متدخليش بينا اكتر من كده "قالها بصرخة مدوية كلمات استقبلتها ياسمين كطلقات الرصاص .ولم ترد عليها فقط تحركت بخطوات بطيئة للخارج
وهنا بدأ مصطفى بالكلام " لا ..احنا اولادها ..وهى أمنا ..انا والدتى مش فاكرها ..ومش فاكر ملامحها ..انا كل اللى فاكره هو ناس كتير بتعيط وبتطبطب عليا ..وبيقولولى مامتك عند ربنا ..وبعد كده شوفتهم بيحطوا امى فى الارض وبيغطوها بالتراب .بقيت بعيط وعايز انزل معاها .. بس ماما ياسمين اخدتنى في حضنها .طمنتنى في اكتر وقت خفت فيه في حياتى ..اهتمت بيا وبقت ترعانى انا ومحمد واحنا محدش مركز معانا والكل مشغول بيكم لانكم كنتم في حالة صعبة .طول السنين اللى فاتت عمرها ما حسستنى انها مش امى ..او انى يتيم .. بالعكس دى بتهتم بينا وبتحبنا اكتر من نفسها .حضرتك طول الوقت كنت في شغلك وهى اللى كانت دايما معانا "
احمد " وعلشان مش موجود ..يبقي ماليش مكان في حياتكم ولا حقوق عليكم ..وانا كنت مش موجود ليه ..مش علشانكم علشان مستقبلكم "
مصطفي " يا بابا .حضرتك ...حضرتك غالى عندنا وبنحبك وبنحترمك جدا . .. بنحبك لدرجة اننا مستعدين نستغنى عن احلامنا وكل حاجة بنحبها علشان حضرتك متزعلش مننا . انا فعلا معجب بروفيدا .ونفسي تكون شريكة حياتى بس للاسف انا كنت متأكد من موقف حضرتك ..كنت عارف انك مش حتوافق علشان كده اتخليت عن الفكرة .بس ماما ياسمين اصرت تحقق ليا اللى بتمناه .دايما بتفكر بقلبها وعايزة سعادتنا وبس "يابابا ..ماما ياسمين طول الوقت بتزرع فينا حبك واحترامك .. واللى احنا وصلنا ليه دلوقتى بسببها "
أنت تقرأ
ولا في الاحلام. حبك
Fanfictionكلا منا لديه احلامه الخاصة ... منها أحلام نعيش من أجل تحقيقها ويسعي جاهدا لذلك .... أو أحلام لا يستطيع تحقيقها ولكن لديه أمل في ذلك ... ولكن هناك في قلب كل بشر حلم ..هدف ... فقط يتنفس من اجل تحقيقه ولا يتخيل حياته من غير هذا الحلم ...وقد يكون ال...
