روايه ولا في الاحلام حبك .
الجزء الثانى
الفصل الثانى
فى الجامعة .
عمر بتعب " رايح فين يا ابنى تانى ... مش كفاية طول النهار مذاكرة وامتحانات "
اشقر "احنا رايحين الشركة"
عمر " انت غاوى تعب وخلاص ... احنا دلوقتى في امتحانات ركز بقي فيها .. وبعدين لحقت توحشك ما احنا كنا هناك من يومين "
اشقر " مش قادر استنى اكتر من كده ... انا عايز اطمن على المشروع بنفسي "
عمر " انت محسسنى انك رايح تتجوز ..مش رايح تشتغل "
اشقر "اهمية الشغل وتعلقي بيه .. اهم عندى من روحى نفسها "
عمر " وانا مال امى بكل ده ... انت ودى شركتك وشركة والداك ..ساحبنى وراك كل شوية ليه؟ علشان عمك مازن يهزأ فيا "
اشقر " ههههههه انت اللى بتستفزه الاول .. واصلا انت كده كده حتشتغل معايا في الشركةبعد التخرج .. انا محتاجك اوى لانى عمرى ما حلاقي حد زيك اعتمد عليه واثق فيه "
عمر بثقة" ان كده ماشي ,, بس اقل من منصب رئيس مجلس ادارة مش حوافق ... وعلشام خاطرك انا بقبض بالدولار ..."
اشقر " هههه وعلشان خاطرى ... طاب يلا بسرعة علشان نلحق نحضر اجتماع الساعة 5 .. وانا اللى حسوق علشان سواقتك دى حتموتنا في يوم من الايام ".
******************
في شركة الاشقر .
مازن على مكتبه جالس ممسك ببعض الاوراق واذا بعمر واشقر يدخلون ..اشقر وهو نفسه يتعالى " وصلنا في الميعاد .."
مازن بابتسامة " طبعا .. مواعيدك يتظبط عليها الساعة .. ربع ساعة والاجتماع يبقي جاهز "
عمر وهو يلهث " روح الله ياخدك ويريحنى منك يا مفترى ... البيه خلانا نطلع 10 ادوار جرى علشان نوصل فى الميعاد ..علشان الاصانصير مشغول ... .."
مازن " ههههههه ..10 بس .. انت المفروض تطلع 60 دور ومتتعبش انت لسة شباب ... ولا انت من النوع اللى بيعجزو بدرى "
عمر " لا .. هو بس اللى اخدنى على خوانه .. لو كان عرفنى من قبلها كنت سخنت كويس وطلعتهم على رجل واحدة .. اخد نفسي بقى
مازن بضحك " ههههههه .. تعرف لو انت بتشتغل زى ما بتتكلم .. كان زمانك مكانى على المكتب ده "
عمر بثقة " علشان كده انا بتكلم بس علشان ما اقطعش اكل عيشك من هنا .. وتروح تقعد جنب عيالك "
وهنا تدخل المكتب ابنة مازن المنشاوى حسناء وتسمع مقولة عمر فترد " مين ده اللي يقعد جنب عياله في البيت يا بتاع انت .. انت مش عارف بتتكلم مع مين .. ده مازن بيه المنشاوى اكبر رجل اعمال فى العالم كله ... هالو بابى "
أنت تقرأ
ولا في الاحلام. حبك
Fiksi Penggemarكلا منا لديه احلامه الخاصة ... منها أحلام نعيش من أجل تحقيقها ويسعي جاهدا لذلك .... أو أحلام لا يستطيع تحقيقها ولكن لديه أمل في ذلك ... ولكن هناك في قلب كل بشر حلم ..هدف ... فقط يتنفس من اجل تحقيقه ولا يتخيل حياته من غير هذا الحلم ...وقد يكون ال...
