رواية ولا في الاحلام .. حبك
الجزء الثانى
الفصل الثالث عشر
بعد الفرح امام فيلا الاشقر .
فى سيارة اشرف
ميرال " بجد الفرح كان جميل جدا .. انا اول مرة احضر فرح في حياتى كلها .. اول مرة أحس انى عندى عيلة واصحاب ..كانوا بيعاملونى وكأنى عايشة معاهم من سنين "
ميرال كانت تتكلم بابتسامة وحماس واذا بها تنظر لاشرف قائلة " هو انا ممكن اسالك سؤال كمان ؟
اشرف " هههههه ده كده السؤال رقم 150 .. انتى المفروض تشتغلى محققة ..حتبقي ناجحة اوى ... متقلقيش كل اللى عايزة تعرفيه عن العيلة حتعرفيه بسهولة جدا بس مع الاختلاط بيهم ..مش حبس في السجن الانفرادى .. فهمتى "
ميرال " تمام .. هو انا ممكن انزل شغل من بكرة عادى "
اشرف " دى شركاتك .. براحتك .. في اي وقت طبعا "
ميرال تنظر لوالدتها بسعادة ثم تقول لاشرف " ممكن اسال سؤال كمان ؟"
اشرف " لا انا اللى عندى فضول كبير اوى اعرف انتى ازاى بتتكلمى عربى حلو كده ؟"
ميرال "مامى دايما كانت بتتكلم معايا بالعربي . .. وكمان طنط سوزى كانت بتكلمنى عربى ..فاتعلمته كويس منهم "
امنية " كفاية بقى يا ميرال ..استاذ اشرف اكيد عايز يرتاح ..احنا متشكرين جدا ..تصبح على خير "
ميرال " Good Night "وبالفعل دخلا معا الى الفيلا ..
واذا باشرف يقول" امنية ؟"فترجع له مرة اخرى وتقول " نعم .."
اشرف " انا عايز اتكلم معاكى ضرورى على انفراد لو سمحتى ..وياريت فى اقرب فرصة "
امنية بقلق " خير ..حاجة تخص ماجد ؟"
اشرف " لا ..متقلقيش ..بس مش دلوقتى ..ممكن نخرج ونتكلم شوية "
امنية بابتسامة " تمام ..انا تحت امرك في اى وقت .."وفجأة احتفت ابتسامتها وبدأت تنظر بخوف خلف اشرف التفت اشرف فاذا به يجد سيارة تقف امام الفيلا وينزل منها ماجد ..
اشرف لامنية" ادخلى جوة بسرعة ومهما حصل متخرجيش "
ثم تحرك اليه فاذا ماجد يقول "اهلا يا اشرف .. تصدق وحشتنى بس متغيرتش كتير عن ايام الجامعة "
اشرف " عايز ايه يا ماجد ؟"
ماجد " ههههههههههه . طول عمرك واضح وصريح .. زى ما انت ..حتى بعد السنين دى كلها .. محلك سر ايام الجامعة كنت ماشي ورا حاتم هو يقول وانت ومازن تنفذوا وبعد ما مات فضلتم ماشيين جنب الحيط لحد ما جه ابنه ونط على اكتافكم وبرده ممشيكم "
اشرف " مشيت ورا حاتم لانه كان صاحبى وصديق عمرى ودايما بيفكر صح وعلى حق ..ليه بقي أدور على طريق تانى والحق واضح وطريقه واضح قدامى .اما ابنه هو فعلا زيه وبالرغم ان سن صغير الا ان دماغه كبيرة اوى اكبر منى ومنك وأنت جربت ولا نسيت ؟؟" ثم ابتسم بانتصار
أنت تقرأ
ولا في الاحلام. حبك
Fanfictionكلا منا لديه احلامه الخاصة ... منها أحلام نعيش من أجل تحقيقها ويسعي جاهدا لذلك .... أو أحلام لا يستطيع تحقيقها ولكن لديه أمل في ذلك ... ولكن هناك في قلب كل بشر حلم ..هدف ... فقط يتنفس من اجل تحقيقه ولا يتخيل حياته من غير هذا الحلم ...وقد يكون ال...
