نظرات جنوبية

البارت 22

لو حدثَ ورأيتكَ ..!!
لن أتكلم حينها ، لكن عينـاي ستشرح لكَ كل الذي عانيتـهُ بسببك ..

زهرة:

مرت الأيـام و اني احس نفسيتي صارت احسن من بعد ما نجحت وخلصت العطلة كلها ونسة وضحك ..
صح اتونست وفرحت
بس بقت هالغصة بكلبي ..
مثل كل بنية بليل احن اله واشتاقله ومابيدي شي غير الصور والأغاني اللي تصبرني ..
مافكرت اراسله ولا ادزله اي شيء ..
لأن مااحس عندي شيء احجي
ماكرهته لأن هو حب طفولتي ومراهقتي، بس أبتعدت لأن خفت علئ علاقة أهلي وأهله ...
ماردت تصير مشاكل بين العائلتين وحتئ جسار جان يكول ماريد اخرب علاقتنه بأهلج لأن علاقتهم حلوة وحرامات نجي أحنه نخربها...
أنجبرنا نبتعد لأن الكل رافض فكرة خطوبتنا اني وجسار
تحت مسمئ انتي لـ ابن عمج وبناتنا ماننطيهم للغريب
بالرغم جسار وأهله مو غريبين واقاربنا..
بس العادات والتقاليد هي الي تمشينا حسب مزاجها

خلصت العطلة واجه الدوام وصرت صف رابع علمي
لأن اني سريعة الفهم وحبيت احقق حلم طفولتي واصير طبية اطفال ..

ركزت علئ دراستي وتركت كلشي ورايه
حبي لجسار
و تفكيري
و اشتياقي اله
تركت كلشي وحتئ تلفوني غلقته وانطيته لماما وهي فرحت حيل من شافت هذا التغير بيه وصارت تشجعني علئ دراستي
ودائماً تكولي شهادتج سلاحج اللي يحميج من كلشي وهي سندج الوحيد اللي راح تدوملج بهاي الحياة ..

من اسمع كلماتها اتشجع اكثر ويصيرلي دافع قوي يخليني ادرس واني ماافكر بشيء ..
الدراسة صارت مصدر راحة اللي من بعد ماجنت اكرهه
صرت أحبها لأن حسيتها نستني همي وحزني ..

تركت حتئ الأغاني وصار ملاذي الوحيد اللي يكدر يمحي حزني ودموعي هو القرءان
لأن بعمرها الأغاني ماصارت وسيلة نسيان
بالعكس هي تزيد من حالة الشخص، والقرءان يخفف من أوجاعنا ..

بيوم من الأيام نايمة وفزيت علئ صوت صريخ بيبيتي وعماتي
نزلت اركض واشوف الكل يبجي ..
حسيت كلشي بجسمي ضل يرجف وعقلي مايستوعب شنو صاير ..

كلت من بين خوف وقلق واني اشوف بيبيتي تكول
مايستاهل خوش ولد و عمي يكول بالعناية المركزة ..
مافهمت شيقصدون؟!!

الحروف بالگوه أتجمعت وكلت لأمي

زهرة: ماما شكو شصاير؟!!!!

ام زهرة: جسار مسوي حادث ..

زهرة: شنووو!!!

ماكدرت احجي ولا كلمة بس دموعي تشرح وضعي وضعفي
خفت لا احد ينتبه ..صعدت لغرفتي واني احس ماعندي حيل
حتئ مااكدر امشي ..كلبي يدك بقوة ويريد ينفجر
و تخيلاتي الي ماتركتني لحظة
واني اتخيل جسار يصير بيه شيء ..لو افقده!!
مرت الساعات واني بغرفتي مكابلة صورته وكاعدة
طلعت القرءان وفرشت السجادة ودعيتله ..
بس احس نارر بكلبي ماكاعد تطفئ
صرت اتمنئ اسمع عنه خبر ..بس ماكو غير بعده بالعناية المركزة ..والحادث مأثر علئ ركبته و راسه ..

ساعات واني انتضر احد يكلي شلونه زين لو لا؟
عايش لو مات!!
بس ماكو اي خبرر عن جسار ..

مسحت دموعي ونزلت للأستقبال الكل كاعد
جانت الساعة 8 بليل ..
كاعدين يسولفون شلون صار الحادث ودك تلفون عمي
كال ابو جسار ..
الكل سكت ومنتظرين شنو يكول!!

اسمع لكلام عمي واحس روحي راحت مني ..
وكلبي بس يريد يسمع خبر علئ ولفه

سد التلفون عمي وكال
: حالته خطرة والضربة براسه ادعوله
لو يكوم منها لو يخسر حياته ..

زهرة:

ردت اسمع خبر يطمني عليه ..
بس القلق زاد ودموعي تزيد ماتنقص
وكل دقيقة تمر واني مخليه ابالي راح افقده وماراح اشوفه

تمنيت بلحضتها لو مابيناتنا هاي المسافة
تمنيت لو حاجيه وياه
صرت اتذكر مواقفي وياه وابجي
اتذكرت صوته وهو يكلي زهرتي
كلامنا واحلامنا اللي بنيناها سوه معقولة راح تروح؟
راح يعيش ويرجع مثل قبل ..لو يخليني أخسره!!

كل نبضة بكلبي توجعني
صرت اتمنئ لو ماكو كل هلمسافة بيناتنا ..
اتمنيت لو اني يمه هسه واشوفه واطمن كلبي!!

طول الليل مانمت وبس دموعي تجري
خايفة عليه حيل وخايفة اخسره
نمت ورا الفجر من بين دموعي وحسراتي عليه

فزيت من نومي علئ صوت ماما وهي تكعدني للمدرسة

ام زهرة: يلا زهرة كومي بعد متلحكين راح تصير بـ8

زهرة: ماروح!!

ام زهرة: ليش؟

زهرة: مالي خلك و مابيه حيل كلش

اتقربت مني وكالت

ام زهرة: ادري بيج واعرف بأحساسج شنو بس ادعيله وانشاءالله مابيه شي ..
اني كتلج قبل وارجع واكلج اني صديقتج مو امج
ولتضمين عليه اي شي حتئ حزنج لأن بس الأم تحس ببنتها
وهسه كومي بدلي بسرعة ونزلي اكلي وروحي للمدرسة ابو الخط راح يجي ..

زهرة: جبرتني ماما اداوم غصباً عني
رحت لبست ملابسي ومااكلت انتضرت الخط اجه ورحت للمدرسة ..

دخلت للمدرسة مثل شخص فاقد روحه ..جسد بدون روح
حتئ واجباتي نسيت اكملها وجان عندي امتحان رياضيات وماقريت!!

دخلت للصف وكعدت واني ايدي علئ خدي وعيوني مدمعة
ونبضات كلبي هادئة بس احسها توجعني...

مر درسين وبالفرصة طلعت بالساحة امشي بس راسي يوجعني مااهتميت لأن كل مرة يصير عندي هبوط بالضغط

بس فجأة وكعت وماحسيت علئ شي بعد ......

يتبع......

لاتنسون التصويت 💜