نظرات جنوبية

البارت 11

باچر دروبك تغني
تذكر البيه تحبهن
تبچي وحدك
تبقى يم روحك تكابر
باچر بحلمك تسافر
للمواعيد الگضيناهن برود
للبچي ودمعاتي يمك، للوعود
لل "أحبك" ، "لا تهدني" و ( ابقى يمي )
للكحل وعيوني ذني وحتى لاسمي
هواي بيه استصغرتهن
باچر بعينك يكبرن
من تشوف المثلي ماكو
وعادي لوَن البعدي عبرن
من تفز حلمان بيه
وعطري متبدي بإيديك
من تحس باعوك ناسك
وآنه چنت المشتريك
باچر تدورني، باچر ..

زهرة: تمر الأيام ..بدون شي جديد
رجعنا نداوم ..

وطبعا نورهان وزمرد صرت اشوفهن بس بالفرصة لأن هنه مرحلة واني مرحلة ..بسبب رسوبي ..

اتأثرت حيل لان ماشوفهن ومو نفس الصف بس بالفرصة اشوفهن ..وهم ماصادقت اي بنية ويايه بالصف ولهذا السبب يعتبروني منعزلة عنهم ..
لأن مااحجي وي اي احد او اسئل ..

ثالث يوم من الدوام ..
جنه كاعدين بالساحة اني و نورهان و زمرد علئ رحلة قديمة. وفارغة مخليها بالساحة ..

ونسولف ..

سألني علئ جسار ..اتنهدت وغمضت عيوني

زمرد: شبيج؟
صاير شي

زهرة: سولفتلهن علئ كلامه وكلشي ..
اتفاجأن وانصدمن مثلي بتغيره و طريقة كلامه
وصارن يعاتبني ..

نورهان: انسيه والله ميستاهلج خيولي

زمرد: اي صحيح ترئ هو متناقض مبين من كلامه
يكلج رجعت لحبيبتي و ورا كم شهر يكلج عفتها

زهرة: والحل؟! تعبت

نورهان: لازم تبدين تنسيه لان مايستاهلج والله
ليش تحبين شخص شايف نفسه عليج ومتكبر
اطوي هالصفحة من حياتج وانسي
مايستاهل كل هالحب منج

زهرة: هو بكيفي انسئ؟!
وكلبي ..كلبي اليعشگه شنو راح اكوله

زمرد: تدرين اول مرة اشوف بنية بهذا الجيل هيج تحب مثلج!!
طريقة حبج غريبة
مو مال حب هالوكت ..حبج حقيقي كلش

نورهان: اي صحيح حتئ هلكد ماتحبه صحتها راحت العوبة ..

زهرة: حبي اله يختلف عن حب هالوكت
حبيته واني طفلة ..
وكبر هالحب بداخلي وصار عشك
عشكته ..وتعبت روحي بحبه

نورهان: اوووف شبيدي عليج
ماتخليني اروح اطيح حضه

زمرد: اسكتي لاتهد عليج هههههههه

زهرة: السالفة مو سالفة تطيحين حضه ولا تواجهيه
هو اني ميواجهني ويحجيلي الحقيقة تردين انتي يواجهج؟!

نورهان: لعد شلون نعوفج هيج تذبلين كدامنا

زمرد: اي والله صدك متغيرة كلش
جنتي سمينة وعندج خدود هسه بس عظم

نورهان: غير من ورا جسار افندي وحبها اله

زهرة: هو اني فد يوم تلكوني ميتة بسببه