نظرات جنوبية

البارت 10

‏لم يَعُدْ بيني وبينَكِ
غيرُ رنَّاتِ الهواتفْ

لم يعدْ بيني وبينَكِ
غيرُ لم أقصِدْ وآسفْ

كلما في الحبِّ يا عمري
اتفقنا واختلفنا في المواقفْ

غربةٌ في كلِّ شيءٍ
والهوى المجنونُ جارفْ

وأنا وحدي أُقاتلْ
وأنا وحدي أُجازفْ ..

كعدت الصبح كالوا جسار راح ..ابتسمت واتذكرت اللي صار البارحه ..تريكت ونضفت البيت ورحت راسلته

زهرة 💬: حبيبي وصلت ?!

جسار 💬: ايي عمري جنت نايم وهسه كعدت ..
شلونج ..

زهرة 💬: زينه ..

جسار 💬: مشتاقلج ..

زهرة 💬: البارحه شايفني شوكت لحكت تشتاقلي!!

جسار 💬: كل ثانية أنا أشتاقلج ..وكل ثانية أتمنئ انتي يمي ..

زهرة 💬: شيصير لو اني جيرانكم ..؟

جسار 💬: هههههه چاا لكيتيني 24 ساعة واكف أبابكم وانتضرج تطلعين ..بس يلا هو هذا المكتوب ..

زهرة 💬: اريد أسألك !

جسار 💬: كولي حياتي؟

زهرة 💬: تتوقع ليش ماما رفضت وشنو السبب ..

جسار 💬: شوفي حبيبي ..اي ام تتمنئ لبنتها السعادة بس امج رفضتني من البدايه مدري ليش !!

زهرة 💬:وشنو الحل؟

جسار 💬: ربج يحلها ، هو يعرف بنيتنا ويحس بينا ..
بس تبقين انتي تقبلين لو لا؟

زهرة 💬: لا

جسار 💬: شنوو، شنو لا
احجي ؟!!!

زهرة 💬: اني ماريد اتزوج واني بهيج عمر ..

جسار 💬: انتي تعرفين شنو شروطي لو لا؟

زهرة 💬: يا شروط؟ ماعرف بيهم ..

جسار 💬: شوفي عيني ..
اول شيء من تزوجين تنسين اهلج ..يعني يمكن اخليج تخابريهم لا اكثر ..
ثانياً ..دراسة ماكو
ثالثاً ..لبسج كله يتغير وبنطرونات ممنوع وتلبسين عباية مال راس ..
رابعاً ..تلفون ماكو وكل اهتمامج يصير بيه ..👍
غير هالكلام ماعندي ..

زهرة 💬: شبيك ويايه؟

جسار 💬: مابيه شيء بس هاي الشروط حفضيها اذا غيرتي رأيج وكلتي اقبل ..بس انتي مامستعده تضحين بشيء علمودي ..مع سلامة ..

زهرة 💬: لحظة سؤال؟ 💔

جسار 💬: نعم؟! شتردين ..

زهرة 💬:ليش خطبتني؟

جسار 💬:لأن انا ماناوي اضحك عليج وادخل وياج بعلاقه حب ماعرف نهايتها شنو

زهرة 💬:بس بعدني صغيرة

جسار 💬:شنو صغيره البكدج عدهم اطفال وشايلات بيوت بس انتي مدري شبيج

زهرة 💬:اني ماكدر اترك دراستي واتزوج صعبه حيل

زهرة 💬:خوش جا انتي كملي دراستج وانا راح اتزوج......

زهرة:

انصدمت ليش هيج سوه ويايه ، انقهرت حيل وبجيت لأن ماعندي فرحه تكمل ...حتئ اللي احبه اتغير اسلوبه وياي ..
حرت شنو اسوي ..دزيتله رسائل وماجاوب اتصلت عليه وهم ماجاوب ..نمت الظهر ودموعي بخدي و مقهورة حيل ..

شنو رأيكم 🤷‍♀️ + البارت الثاني ينزل بـ 11 اذا شفت تفاعلكم عالبارت هذا ..

في أمان الله وحفضه ..🍁