نظرات جنوبية

البارت 14

هذهِ أنـا ..
زهـرةً أرجوانيـة ..تذبُـل فـي يديـك ..
هذهِ أنـا ..
طفلةً لاتعرف ماهو الحُـب، لكنها تُحبـكَ ..

هذهِ أنـا ..
خجولـة، ودودة ،حزينة، مُكتئبة، باكيـة، عاشقـة ..

هذه أنـا ..
لايـزال عمري في الخامسة عشراً، وجروحي تقف علـئ قلبـي ..

هذه أنـا ..
أقاتل من أجلِك وتُحارب من أجل أن نكون معاً ..

قُـل لـي اذاً ماهـو ذنبـي وذنبُـكَ؟! ...

مر شهر واحنه مفترقين ..ماكو بيناتنا لارسالة ولا اتصال ..
ماكلف نفسه يدز رسالة يطمئن عليه ..حسيت خسرت كُلشي ..هملت نفسي ودراستي
وحتئ امي لاحضت هذه التغير بيه ..
نفسيتي تعبت و صحتي تتراجع يوم عن يوم ..عيوني صارت جواها هالات سوده بس شكلها مرعب ..شعري يتساقط وانترس شيب ..كلشي صار بيه من وره جسار ..

جسار اللي جان بالنسبة اللي حلم ..اختفئ من حياتي!
اتندمت لأن سويت بنفسي هيج ..
اتندمت عالحب اللي صارله 3سنين بكلبي ..
تتندمت علئ كُلشـي ..

مرت أشهر واني بنفس حالي، ماكو شيء جديد ..

الئ أن بيوم جنت راجعة من أمتحان العربي..جانت أمتحانات نصف السنة وجان هذا آخر آمتحان ..
جنت فرحانة لأن خلصت من هوسة الأمتحانات ..

جانت المدرسة قريبة علبيت ومامخليه خط ..
أمشي وكتابي بيدي ..
سمعت صوت سيارة تمشي وراي
صرت امشي علئ جهة الرصيف حتئ ما أندعم لو شيء
فجأة وكفت السيارة ونزلوا منها أربعة شباب ضخمين
لابسين بنطرونات وقميص اسود وملثمين وعيونهم حادة ..
انتبهت السايق مانزل وياهم!!

صرت أمشي سريع وكلبي يدك بكل قوته ..
بس واحد منهم ركض ورايه ولزمني من أيدي ويجر بيه للسيارة ..اصرخ وابجي ماكو فايدة ..
جانت دنيا ظهر وحارة محد طلع علئ صوتي ..
ادفع بيه أريد أوخر بس بسرعة دخلني للسيارة
صرخت بكل صوتي وواحد منهم خله كلينكس علئ خشمي
وبعد ماحسيت بشيء!!

عائلـة زهـرة ;

ام زهرة: هايه وين راحت صارت بـ 1 ونص وهيه ماكو؟

ابو زهرة: خاف الأسئلة صعبة وبعدها بلمدرسة ..

مرت ساعتين وأهل زهرة راحوا للمدرسة وسئلوا الحارس بس مالكوها، راحوا لبيوت صديقاتها المقربات بس هم مالكولها أثر ..

عمامها وأهلها ملتمين ببيتهم والكل مخبوص ..
وين راحت زهرة؟ هيه تخاف تتأخر وهادئة حيل!
أختفت!!

في البصـرة; الساعـة الـ7 مساءاً

جسار كاعد عالشط وصافن ..
يفكر بزهرة اللي صار شهر مايدري عنها شيء
لا رسالة منها ولا أتصال ..
فكر بكل الأحتمالات اللي تخلي أمها توافق بس مايوصل لنتيجة ..

رجع للبيت وسمع أبو يحجي بالتلفون ..

ابو جسار: شني هلحجي ؟كل هذا وأحنه ماندري
چا عليمن بعد خلوا الكرايب؟
والله حجيكم ماينقبل شنو ماردنا نتعبكم ..

جسار يسمع ويفكر شصاير؟!
بس أنصدم من كلمات أبو اللي حسها مو كلمات سجينة ودخلت بنص كلبه! بالرغم مايعرف منو مختفية!
بس أحساسه كاله زهرة مو بخير ومو بأمان ..

أبو جسار: شني صارلها 6 ساعات مختفية وماتحجون
هسه احنه طالعين من البصرة وجايين عليكم ..
سد التلفون ..والتفت حتئ يكول للكل لأن الكل منتظر يحجي ويكول شصاير ..

جسار: شصاير؟بويه!!

ابو جسار: زهرة مختفية يكولون رايحة تمتحن وماراجعة ..
حتئ صديقاتها يكولن رجعت من وكت ..
چاا وين راحت ..بنية هادئة ونازكة حتئ صوتها مايطلع
وين تروح؟
شني معقولة خطفوها؟؟؟!!

جسار جان يسمع وكلبه يحترك ..
كام بسرعة بدل ولبس دشداشة سودة وشماغ وكاللهم أنا طالع لبغداد منو يروح؟
كلهم استغربوا من جسار لأن راح يطلع بهالليل ..
والدنيا بدت تظلّم ..

ابو جسار: انا اجي وياك أوكف ..

طلعوا لبغداد وجسار طول الوقت التفكير ماخذ كلشي بيه ..
كلبه ضل يوجعه وكل شوي يفتح الشباك يحاول يتنفس بصورة طبيعية ..
الطريق طويل بس عيونه ماغمضت لحظة ..
ضميره صار يأنبه لأن مامراسلها وسائل عليها ..

يتتتتتتببببع.......

شنو رأيكم+ ومنو تتوقعون خطف زهرة؟ وليش؟!!

فـي أمـان الله وحفضِه ♥️..