نظرات جنوبية

البارت 8

كعكة الميلاد امامي
وشمعةٌ تعلوها ..
ماذا اتمنئ في بداية عامي الجديد؟
هل اتمنئ نسيانكَ
أم رجوعكَ الي
او اتمنئ لنفسي بالموت من اجل ان اتخلص من عذابي
ماذا اتمنئ يا عشقٌ ذبل بقلبي واحتلني و حزنَ لحزني؟
انظر الئ الجميع من حولي و اشعر باليأس
اريدكَ ايضاً ..
اريد ان تكون بحانبهم وبجانبي وامام عيني وقلبي
متئ نلتقي؟

ام جسار: شني المتعبج هيج جنتي مربربة هسه كاضية مابيج روح ..

زهرة: بسبب الدراسة ..

ام جسار: صدك ليش رسبتي جا مو شاطرة انتي

زهرة: جنت مريضة!! ..

كمت رحت يم ماما لأن احس بـ اي لحظة ممكن توكع دموعي ..

ورا شوية كالوا يلا
صعدنا بالسيارة ورجعنا لبغداد وام جسار وابوه طلعوا مناك للبصرة ..

دخلنا للبيت. الساعة بـ 7 بليل
ورحت لغرفتي ابدل ..
اجت ماما ورايه ..

ام زهرة: شبيج؟

زهرة: مابيه شي

ام زهرة: من حجت وياج ام جسار تغيرت ملامحج وضجتي شكالتلج؟

زهرة: ماكالت شي

ام زهرة: زهرة احجي لاتخليني اتصرف غير تصرف

زهرة: سئلتني ليش ضعفانة وليش رسبت

ام زهرة: وشنو كلتيلها؟

زهرة: كلتلها ضعفانة بسبب الدراسة
و رسبت لان جنت مريضة بفترة الامتحانات

ام زهرة: اي تسئل حتئ توصل حجي لابنها

زهرة: مااعتقد

ام زهرة: لا اعتقدي كلشي من البشر لاتضلين هيج بطيبتج ترئ تنوكلين ..

زهرة: طلعت وبقت كلماتها ببالي
معقولة ام جسار تروح لجسار تحجيله عليه وتكله هيج صاير بيه؟

بدلت وكعدت ع التلفون ..

شفت طلب صداقة من صفحة مجهولة
بس بيها منشورات صور و جواها كتابة!!

استغربت ..بس جان عندي احساس هذا جسار
بس ليش يسوي صفحة جديدة اذا عنده صفحتي
معقولة يريد يختبرني؟
قبلت الطلب و طفيت التلفون ونمت ..

كعدت الساعة 10 بليل سويتلي اكل واكلت ..
وباوعت مسلسلي المفضل
جان (نبضات قلب)
جنت احبها لان طب وحلمي اصير دكتورة

واني اباوع اجاني اشعار تعليق من الحساب الي جنت شاكة بيه حساب جسار
لان نفس طريقة الكتابة بالفصحة ..

جان تعليق ع منشور ناشرته وكاتبة جوا شعر
ومعلق بقلوب مكسورة!!

جنت مو بس حاسة
لا متاكدة هذا جسار ..

كملت المسلسل ونمت ..

ثاني يوم لكيت رسالة من الحساب المجهول