نظرات جنوبية

البارت 15

فـي عمق اليأس ..سوف تجدنـي!
أنـا هنـا هـل من ملاذ يحتوينـي ويخرجني من الضلـمات الئ النور ..
أنـا بوسط ضلام كبير ومخيف..
صوت الليل يحتل المكان ..
والقـمر قررَ أن يغيب اليوم!!
والنجـوم أستأذنت مني وتعذَرت ثم غادرت ..
لـم يبقئ سوئ الهدوء المرعب ..
ودقات قلبـي المسرعـة، تناديـكَ ..
يـا ملاذي أين أنتَ ..
هل تعلـم أنني فـي أمَس الحاجة إليـكَ..
جفون عينـي لاتهدأ ..يداعبها النعاس لكن الخوف يقول
بكل هدوء: لا تنامـي ..
الدموع تسقط علئ وجنتـي كأنهـا ناراً ..
رغـم حرارة الجـو ألا أنني قطعةً من الثلج ..
هل تأتي لتوقـد لـي ناراً في حضنُكَ أتدفئ بهـا ..؟
أيـن أنـت!!

بقلمـي:       ZAHRAA_alabadei

زهـرة:

فزيت علئ صوت غريب ..باوعت للمكان شبه مهجور وفارغ
بس مكان الكرسي الكاعدة عليه ومربطين أيديه ورجليه وحلكي خالين عليه لاصق!
الغرفة ضلمة حيل وأكو ضوء خفيف يمكن ضوء تلفون ..
والشباك مغلف بحديد والدنيا جانت دنيا ليل وحتئ ضوء القمر ماكو ..

ايديه وظهري يوجعني واحس اتكسرت من كعدتي ..
اسمعهم يسولفون قريب عالغرفه وواحد منهم يكول

: لا مانرجعهه خل ينطونا دفترين يلاا، خل نستفاد

جاوبه الثاني: واذا ماينطون شلون؟

:ماكو أسهل منها، نكلهم نصورها وننشر صورها بالمواقع!

جاوبه:لاا نكلهم نقتلها اذا ماينطونه فلوس ..

أسمعهم يتناقشون وعقلي راح ينفجر ..
يعني شنو راح يقتلوني لـو ينشرون صوري؟
تساؤلات براسي هواي واسئلة ماكاعد الكالها أجوبة ..
بقيت أبجي بشكل هستيري ..أتخبلت..

وضليت أحرك اللاصق بحلكي ألئ أن شلعته ..
بقيت أصرخ بكل صوتي ...وأبجي

زهرة: طلعووووني منا الله ليوفقكم ..شتريدون مني
اخذوني رجعوني لماما ..
مااااامااا باااابا تعالوووا
جسااااااار ..

اجه علئ بالي جسار بنص الخوف والرعب اللي أني بيه!
اكيد هسه مايدري وحتئ لو يدري مايهمه لأن مايحبني ..
ياترئ شلون امي وابويه هسه ؟
وين كاعد يدورون عليه ..!!

ضليت اصرخ طلعوووني ..
اجه واحد طويل معضل ويخزر بيه ..ماشفت شكله بس عيونه!
عيونه يخوفن ..

كال بنتر: شبيييج لجج ..صوتج لا أطيح حضج ،كلمة وحدة مااسمعلج ..

ضربني راشدي حيل حسيت خدي راح ينشلع من قوته ..
تركني وطلع!
وبقيت الليل كله وحدي بغرفة ظلمة هندس ..
صوت الكلاب تنبح برا ..
واحس ببرد رغم جان صيف!!
ماكدرت تغمض عيوني ..خوف أحتل كلبي وجسمي كله يرجف صوتي مااحس بيه .. وشفتي يابسسة ..
معدتي توجعني صارت وكل ألم ألتم عليه! ..

بيت عائلة زهـرة:

ام زهرة تبجي وابوها حاير وين يدور ..عبرت الساعه 2 بليل والكل كاعد عبالك نهار ..واحد صافن بالثاني والقلق مبين بعيونهم ..