نظرات جنوبية

البارت 4

أبلغ عَزيزاً في ثنايا القلبِ منزله
‏أني وأن كنت لا ألقاهُ ألقاهُ

‏وإن طرفي موصولٌ برؤيتهِ
‏وإن تباعد عن سُكناي سُكناهُ

‏يا ليته يعلم أني لست أذكرهُ
‏وكيف أذكرهُ إذ لست أنساهُ

‏يامن توهم أني لست أذكره
‏والله يعلم أني لست أنساهُ

‏إن غاب عني فالروح مَسكنهُ
‏من يسكن الروح كيف القلب ينساهُ ..🤷‍♀️💔

جسار: يتكسر راسج اذا عدتيها فهمتي ?!
زهرة: هزيت راسي بسرعة وركضت للأستقبال بس أريد اخذ نفس  ...اخذت نفس عميق حتئ يروح التوتر مني ورحت سلمت عالخطار و بعدين شغلنه اغاني وركصنه ..

و وراها سوينا عشا للكل و بقينا لحنه الشباب هم ورجعنا سوالف وضحك ..لـ 11 دخلوا الولد تعبانين من الركص 😂
دخل جسار و شافني وهم خزر ، واني اصلاً بس سمعت بيهم رح يدخلون لبست صايه و حجاب خليته علئ شعري بدون ماالفه ..بعد علئ شنو يخزر ماادري، اتجاهلته وكعدت يم بنات عمي اسولف ونضحك ..طلبوا مني مي رحت للمطبخ اجيب و اجه جسار ورايه ..خزرني وكال

جسار: شنو هلمكياج وليش ما لافه حجابج عدل!!

زهرة: اتجاهلتهه ورحت للثلاجة اخذ مي ..وجان يسد باب الثلاجة و وكف كبالي وعيونه صايرة حمر وخازرني..

جسار:ليش تتجاهليني؟ ششايفتني كدامج طفل وتتجاهليني

زهرة: انت شعليك شنو البس وشنو اسوي ترئ حرية شخصية ..

جسار: والله وطلعلج لسان يـزهرة ،يصير خير

ماجاوبته بقئ خازرني وضرب الثلاجة بقوة وراح ..

زهرة: والله يا الله يتحكم بيه هوه ..
رحت وديت المي وكعدت اكمل سهرتي وي بنات عمي وكل شوي اباوعله وهو بعده يخزر بالكل ويريد حجه بس حتئ يتعارك وي احد ..

سهرت وياهم للـ 1 ورحت نمت لأن باجر عرس ولازم نكعد من الصبح ..

يوم العرس

كعدت الساعه بـ 10 ..كمت غسلت وجهي وتريكت ولكيتهم كاعد يحظرون للزفة وهاي الأشياء طبعاً اني بليل مارجعت لبيتنا بقيت يم بيت عمي لأن الاجواء حلوة ..ركص و ونسه  ..

كملت ريوك ونضفنا البيت شوية وبعدين سوينا غدا والكل كعد يتغدا ..كعدت اكل شوية وكمت لأن شبعانة واني بعادتي مااكل هواي فـ دائماً اكلي قليل ..

صارت الساعة بـ 4 وكالوا يلا تحظروا راح نروح لبيت العروس
بدلت ولبست بنطرون اسود وقميص زيتوني وحذاء زيتوني والشال اسود وخليت مكياج خفيف ..
وطلعنا للزفة، انتبهت انو جسار لابس قميص احمر وبنطرون اسود والحذاء هم وطالع يجنن ..
رحنا للزفة والطريق كله ركص و ضحك لحد ماوصلنا لبيت العروس ..ويه دخلتنا فاتوا ولد عمها للعروس وجسار جان ورايه فـ خله ايده علئ ظهري وكال ادخلي عمو بسرعة
ما جان منتبه انو هاي اني لأن مبينه حيل كصيرة..درت وجهي باوعتله ضحك وكال فوتي بسرعة منا ناس ..

دخلنا للبيت وهوسات النسوان اللي تضحك 😂هيه هوسات عادية بس اني لازم اضحك ..

اخذنا العروس وزفيناهم بشوارع بغداد ، جانت اجواء حلوة و ماتتكرر لأن لمة الأهل والحبايب بمناسبة وحده هو شيء كلش حلو ..

زفيناهم للفندق ورجعنا للبيت هلكانين من التعب ..اول مادخلت رحت سبحت وبدلت ولبست تراك ماروني و سويت شعري ضفيرة جانبية ونزلت للأستقبال مالتنا ، لكيت الكل كاعد ..ناس تشرب جاي وناس ملتمه واحد يحجي وي الثاني
كعدت بصف بنت عمي ومن الجهه الثانية ابن عمي، يعني صرت اني بالنص ..دخل جسار وعقد حاجبه لأن شافني كاعده قريب من ابن عمي ..اتقرب وكال : شو شوية وخر خل اكعد ماكو مكان..

كعد قريب عليه وكل شوي يتقرب واني صارت بيه رجفه 🤦‍♀️
سوه نفسه يرجع ايده ليوره واتقرب يم اذني وصك علئ سنونه وكال

جسار: اليوم هواي صارن عليج، كلش هواي

زهرة:خفت من عنده وكمت كعدت يم ماما وكل شوي يياوعلي والتفت لغير جهة ..دمعت عيوني بس حاولت ماابين
بس محاولاتي فشلت ووكعت دمعتي وهو يباوع ومصدوم شبيه!! ..
طلعت ورحت للمطبخ مسحت دموعي ورجعت كاعد اطلع واشوفه كبالي يباوعلي مصدوم ..

جسار: شبيج؟
زهرة: هو كال شبيج واني شهكت حسيت راح انفجر من البجي، خليت ايدي علئ حلكي و دااطلع ولزم ايدي

جسار: بس فهميني شبيج ؟
زهرة :وخررررر ، دفعته واني ابجي وصعدت ركض لغرفتي ابجي ...هذا ليش كاعد يسوي بيه هيج ..هو يكرهني لأن يتعمد يغثني ..بقيت اني ودموعي و عقلي اللي يكلي هو يكرهج مايحبج ..اللي يحب مايجرح اللي يحبه ومايضوجه، وهو مايحبني لأن يعتبرني طفلة ..
ونمت واني دموعي علئ خدي ....يتبع

شنو رأيكم؟ ❤️و شنو توقعاتكم؟

لاتنسون التصويت ❤️

فـي أمـان الله وحفظـه ..🍁