نظرات جنوبية

البارت 12

گلت ناسيك بس بگلبي حسره
انه گلبي قوي وشوگك يكسره
انه ذاك التعود لو يغثوه
بصوتك ينسه هَمّه وينسه قهره
انه ذاك الـ ميرمش لون مريت
يحسب رمشته بلياك فتره
انه ذاك التوشل قطره قطره
انه ذاك الي حنيته تدمره
شكثر تحرگ بگلبي وبيك منطيت
واكول لكلبي هذا الغالي عذره
بمحبتك ماعشت كل ذيج الاحلام
عَبره بريتي بس ماخذت عِبره
المحنه ومستحاي وعشرتي وياك
ينسني لون ضيمك اذكره
يعكال ونشاز بوحدك تصير
توالمنه وكتلك عمري غتره
ومشيت ومامحسب العمر ينباك
ولا ادري الفراك تخنكه عشره
يلمعودني انام وبالي وياك
يالصاير بدرب النوم عثره
يالكاتبني چلمة وچازني عناد
اناني وماتريد الغير يقره

زهرة: و مااحس الا سيارة تمر بأتجاهي ضربت رجلي اليسرئ ..
قدم رجلي صار جوا تاير السيارة الي بالبداية
وهو السايق مو جبير صغير و بكل برود مشئ ورفع ايده واني احاول امشي ورجلي مااحس بيها !!

دموعي نزلت واني احاول امشي ومابيه حيل ..
حسيت بهاللحظة رجلي انكسرت لو ردت اموت وماصار بيه شي ..

وصلت كوه لباب المدرسة ولزمت حايط المدرسة وكدرت امشي واوصل للساحة ..

لكيت نورهان وزمرد واكفات بعيد ، وكفت و اشرتلهن
اجن بسرعة وهنه يسألن ..

نورهان: شكو

زمرد: شبيج تبجين

زهرة: اخخ اندعمت ..رجلي مااحس بيها

زمرد: عززا وين اندعمتي
بيا مكان

نورهان: احجي ولج

زهرة: كبال المدرسة واحد زعطوط دعمني

زمرد: طاح حضه اي والله ..شلونها رجلج توجعج هسه؟

زهرة: اي توجعني ..

زمرد: شلون اندعمتي

زهرة: رحت حتئ اشتري من المحل الي كبال المدرسة وهذا اجه طاير دعم رجلي ..

زمرد: هسه الا تشترين لو داعمج شنكول هسه

نورهان: اكلج نروح نكول للأدارة حتئ يخابرون ابوها لو شنسوي

زمرد: تكدرين تداومين لو نكول للأدارة؟

زهرة: لا عندي امتحان ..ابقئ اداوم

نورهان: غير تكعد نيوتن ..لج بابا رجلج غير اندعمتي خاف متكدرين تمشين وتكملين دوام

زهرة: لا اكدر ..

زمرد: امشي دخلوا خل نوصلج للصف ..

زهرة: مشيت و نورهان و زمرد كل وحدة لازمتني من جهة و يمشون بيه ..

واني احس الخوفة بعدها بكلبي  ، بس رجلي حيل اذتني ..

كعدني علئ رحلتي وراحن لصفهن ..
ابتسمت رغم دموعي وشكرت ربي لأن عندي هيج صديقات سند وخوات الي ..