نظرات جنوبية

البارت 21

من أنتي؟
-زهرة
لماذا أسمُكِ زهرة وأنتي ذابلةً هكذا!!
-لا أدري ..لكن منذ أن فارقتهُ وأنا بدون روح
بدون قلب ..أعيش علئ ذكراهُ

ماذا كان بالنسبة لكِ ..
-كما تقولين أنا زهرةً ذابلة ..وسبب ذبولي هو غيابهُ عني
أنا زهرةً لاتعيش بدون أن يسقوها ..
هو كان يسقيني ماءاً حُلواً يحملُ بداخلهِ كلاماً لاأعرف مامحتواه ..
كان يُناديني(زهرَتـي)
لأنهُ كان يسقيني حُباً وعشقاً ..
فـهذهِ أنا أمامُكِ الآن ..ذبلتُ ..
منذ فراقهُ وأنا زهرةً ذابلة ..
كان يسقيني ..ورحل!!
ولا أدري متئ يعود ..
ومتئ تزهُر من جديد ..زهرتـهُ الذابلة ..

بقلمـي: zahraa_alabadei

زهرة:
مر شهر واني حالتي تسوء ماتتحسن ..
صرت اتخربط كل يوم وعايشة عالمغذي!!
اي اخبار من جسار ماكو ..
قررت انساه ومسحت..صوره ومحادثاته وكلشي
لأن أدري اني شنو مصيري وشنو مستقبلي ..
بس اللي صار هو العكس! صح انمسحت صورته من تلفوني ومحادثته بس بقت بكلبي ..
صرت وين ماالتفت أتخيل جسار ..
اتخيل صوته وضحكته ..
عبالي راح اكدر انساه ..بس ماكدررت!!

بهذا الشهر ماسمعت اي خبر عن جسار وحتئ هو مافكر يتصل ..صح مسحت كلشي بس ماانطيته حضر لأن كلبي مينطيني..
روحي وكلبي يمه ..اني بس جسد بدون روح
مثل طفلة اخذوا منها لعابة أو شيء تحبه
هيج تعلقت روحي بيه ..

انتبهت لدراستي أكثر وكلت لازم أشد حيلي لأن أمتحانات أخير السنة واني جنت بكلوريا ثالث ..
التهيت بالدراسة وذبيت كل طاقتي بيها ..حتئ أنجح
اجت الأمتحانات واني كل امتحان امتحنه احس خلصت من همّ
الئ ان خلصت أخر يوم أمتحان ..
رجعت للبيت واني فرحانة لأن خلصت ..
هم وانزاح مني ..
رجعت نمت نومة اهل الكهف حتئ بدون اكل
نمت من الـ1 للـ6 ..

كعدت بكل نشاط سبحت وبدلت وصليت ورحت نضفت غرفتي
وبعدين كعدت ضايجة ..طلعت دفتر رسوماتي وصرت ارسم
رسمت بنت تكص شعرها ..رسمت واني افكر
ليش مااكص شعري?!
بس خاف ماما تحجي!!
لااا خل اكص شعري واروح اشوفهه بلكي متعاقبني ..

أخذت المكص ورحت عالمراية ..
أباوع!! شعري يوصل لنهاية ضهري ..
حرامات اكصه ..بس يلا خل اغير مليت منه ..
بس لزمت المكص وكلت بسم الله وكع من ايدي المكص
مثل واحد ديكولي لتكصيه ..
جسار جان يحب شعرج لتسوين هيج ..
ضميري أنبني ورجعت المكص لمكانه ودموعي تصب ..

أتذكرت موقف صار ويايه بالعيد ..
قبل سنتين ..جان عمري 14 وماجانت اكو علاقة بيني وبين جسار ..بس نضرات ..

جنت لابسة فستان أحمر و مسويه شعري ضفيره جانبية
أنزل عالدرج ومامنتبهه لأن أعدل بشعري ..
لكيت جسار كاعد بنهاية الدرج  ..

نزلت وفتت من يمه ..وكال

جسار: شحلاتج!!
اليوم مانتريك ناكل خدودج ..