نظرات جنوبية

البارت 3

تلك الطفلـة ..
ارادت أن تنتحر لتتخلص من الشعور الذي سببتهُ لها
كنتُ حلماً لها ..واصبحتُ حطـام
كنتُ حبيبـاً ..واصبحتَ شخصـاً خائنـا ..
لربما لن تجد بهـا ما يناسب ذوقكَ
لكن لن تجد منها مهما حييت ..
أحببتكَ بكل مشاعرها
مشاعرٌ طفولية وبريئـة اعطتها لكَ ..
لكنـكَ وللأسف خسرتهـا ..
وجعلتَ منهـا جسدٌ بـدون روح ..
لأنـكَ خائـن ..

زهرة: طلعت كل الحبوب وخليتهم بأيدي ورحت ..
شربت الاولئ والثانية والثالثة والرابعة والخامسة
جان عددهم هواي ..
وجنت اريد اشربهم كلهم حتئ اخلص من عذابي

فجـأة انفتح باب غرفتي ..واشوف ماما دخلت
شافت بيدي الحبوب وصرخت ..

ام زهرة: يمه بنتييي
شتسويييين؟
ولج تردين تموتيني انتي
تردين تنتحرييييين ليشش

زهرة: عوفيني خل اموت عوفينيييي

وصارت تحاول تاخذ الحبوب مني واني لازمتهم بأيدي حيل ..وابجي وكاعدة بدون مااتحرك مثل جثة بدون روح ..
اخذتهم من ايدي وضربتني راشدي وكامت تضرب بيه
بس مااحس حتئ بضربها
لأن وجع كلبي اكثر ..
وهي تبجي وتضرب بيه وتعيط بصوت ناصي حتئ محد يسمع ..

ام زهرة: تردييين تنتحرين ولج
ليش منو يستااااهل
مافكرتي بأهلج
ماكلتي راح اصخم وجوههم وافضحهم بين العالم
ماكلتي امي وابوي خطية شيصير بيهم
ولج موتيني ..
علمود منو تنتحرين هااا لأن ماقبلنا بجسار موو
تردين تخسرين آخرتج ويغضب عليج ربج بسبب شخص ..

زهرة: يمه تعبببتتتت
تعبت من كلشي
اريد ارررتااااح
بعدني 16 سنة وكل هذا صاير
اريد اموووت

حضنتني وهي تبجي واني ابجي ..

ام زهرة: تعبتيني كلش
شسويلج وشلون انسيج
يايمه مايفيدج ليش تعذبين روحج

زهرة: يمه طلع خاين!!
يمه كل كلامج طلع صح
تعبت ...

ام زهرة: شبيدي يايمه ..نصحتج هواي
كتلج مايفيدج لاتفكرين بيه
كتلج ابتعدي
كتلج مايناسبج ولا يمج
بس شسويلج وشسوي الكلبج

زهرة: ضليت ابجي بحضنها
كل شهكة جانت تطلع مني احسها تكسر كلبي
وهي تبجي وياي وتعاتبني

وراحت للمطبخ جابت لبن واجت

ام زهرة: اشربي بسرعة

زهرة: ليش!!!

ام زهرة: خل يفسد الحبوب الشربتيه يلااا
كم حباية شربتي

زهرة: خمسة!!

ام زهرة: شربي بسرعة

زهرة: اخذت من ايدها وشربت
بس احس عندي صداع قوي وبس اوكف اوكع
وعيوني صارت حمرة ..
بهاللحظة اتمنيت لو صدك متت ولا اشوف الخوف الي بعيونها ..صح اني مافكرت بكلشي وفكرت بس انتحر واموت واخلص من كلشي